ಕಳ್ಳದಂಧೆಯಲ್ಲಿ ಎಣ್ಣೆ ಮಾರಾಟ.. ಇಬ್ಬರು ಆರೋಪಿಗಳ ಬಂಧನ

ಬಂಧಿತರಿಂದ 12 ಲಕ್ಷ ಮೌಲ್ಯದ 110 ಫುಲ್ ಬಾಟಲ್​ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ನಿಯಮದ ಪ್ರಕಾರ ಪರವಾನಿಗೆ ಇಲ್ಲದೆ ಯಾವುದೇ ವ್ಯಕ್ತಿ 2.5 ಲೀಟರ್​​ಗಿಂತ ಹೆಚ್ಚು ಮದ್ಯ ಹೊಂದಲು ಅವಕಾಶವಿಲ್ಲ..

ಬೆಂಗಳೂರು :ಕಳ್ಳದಂಧೆಯಲ್ಲಿ ಎಣ್ಣೆ ಮಾರಾಟ ಮಾಡುತ್ತಿದ್ದ ಆರೋಪಿಗಳನ್ನು ಬೆಂಗಳೂರು ಅಬಕಾರಿ ಪೊಲೀಸರು ಬಂಧಿಸಿದ್ದಾರೆ.

ಮಣಿ ಮತ್ತು ರಾಮು ಬಂಧಿತ ಆರೋಪಿಗಳು. ಇವರು ಮಿಲ್ಟ್ರಿ ಕ್ಯಾಂಟೀನ್, ಡ್ಯೂಟಿ ಫ್ರೀ ಶಾಪ್​​ಗಳಿಂದ ನೂರಾರು ಲೀಟರ್ ಎಣ್ಣೆಯನ್ನು ಖರೀದಿಸಿ ಹೊಸವರ್ಷಕ್ಕೆ ಪೂರೈಕೆ ಮಾಡಲು ಅನಧಿಕೃತವಾಗಿ ಶೇಖರಿಸಿದ್ದರು. ಈ ಕುರಿತು ಖಚಿತ ಮಾಹಿತಿ ಮೇರೆಗೆ ಅಬಕಾರಿ ಡಿಸಿ ವೀರಣ್ಣ ಬಾಗೇವಾಡಿ ತಂಡ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.

ಬಂಧಿತರಿಂದ 12 ಲಕ್ಷ ಮೌಲ್ಯದ 110 ಫುಲ್ ಬಾಟಲ್​ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ನಿಯಮದ ಪ್ರಕಾರ ಪರವಾನಿಗೆ ಇಲ್ಲದೆ ಯಾವುದೇ ವ್ಯಕ್ತಿ 2.5 ಲೀಟರ್​​ಗಿಂತ ಹೆಚ್ಚು ಮದ್ಯ ಹೊಂದಲು ಅವಕಾಶವಿಲ್ಲ. ಆದರೆ, ಪಾರ್ಟಿಗಳಿಗೆ ಬಾರ್​ನ ಬೆಲೆಗಿಂತ ಕಡಿಮೆ ಬೆಲೆಗೆ ರೆಸ್ಟೊರೆಂಟ್​​​ಗೆ ಎಣ್ಣೆ ಮಾರಾಟ ಮಾಡಲು ಶೇಖರಣೆ ಮಾಡಿರುವ ವಿಚಾರ ಬಯಲಾಗಿದೆ.