'ಇದೊಂಥರಾ ಆತ್ಮಕಥೆ' ಕೃತಿ ಬಿಡುಗಡೆಗೊಳಿಸಿದ ಮಾಜಿ ಸಿಎಂ ಹೆಚ್​ಡಿಕೆ

ಲೇಖಕ, ಹಿರಿಯ ಪತ್ರಕರ್ತ ಆರ್.ವಿ.ವಿಠ್ಠಲ್ ಮೂರ್ತಿ ಬರೆದಿರುವ 'ಇದೊಂಥರಾ ಆತ್ಮಕಥೆ' ಕೃತಿ ಬಿಡುಗಡೆ ಕಾರ್ಯಕ್ರಮ ಬೆಂಗಳೂರಿನ ಪ್ರೆಸ್​ ಕ್ಲಬ್​​ನಲ್ಲಿ ನಡೆಯಿತು.

ಬೆಂಗಳೂರು:ಲೇಖಕ, ಹಿರಿಯ ಪತ್ರಕರ್ತ ಆರ್.ವಿ.ವಿಠ್ಠಲ್ ಮೂರ್ತಿ ಬರೆದಿರುವ "ಇದೊಂಥರಾ ಆತ್ಮಕಥೆ" ಕೃತಿಯನ್ನು ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಬಿಡುಗಡೆ ಮಾಡಿದರು.

ಪ್ರೆಸ್​​​ ಕ್ಲಬ್​ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬಹುರೂಪಿ ಪ್ರಕಾಶನದ ಜಿ.ಎನ್.ಮೋಹನ್ ಹಾಗೂ ಹಿರಿಯ ಪತ್ರಕರ್ತೆ ಡಾ‌. ವಿಜಯ ಉಪಸ್ಥಿತರಿದ್ದರು. ಬಹುರೂಪಿ ಪ್ರಕಾಶನದಿಂದ ಹೊರತಂದಿರುವ ಈ ಪುಸ್ತಕದಲ್ಲಿ ವಿಠ್ಠಲ್ ಮೂರ್ತಿಯವರು, ಅನೇಕ ರಾಜಕಾರಣಿಗಳೊಂದಿಗಿನ ಒಡನಾಟ ಹಾಗೂ ಅವರ ವ್ಯಕ್ತಿತ್ವವನ್ನು ಉಲ್ಲೇಖಿಸಿದ್ದಾರೆ.

ಸುಮಾರು 3 ದಶಕಗಳಿಗೂ ಹೆಚ್ಚು ಕಾಲ ವರದಿಗಾರಿಕೆ ಮಾಡಿರುವ ಅವರು, ಮಾಜಿ ಸಿಎಂಗಳಾದ ಜೆ.ಹೆಚ್.ಪಟೇಲ್, ರಾಮಕೃಷ್ಣ ಹೆಗಡೆ, ಮಾಜಿ ಪ್ರಧಾನಿ ಹೆಚ್.ಡಿ.ದೇವೇಗೌಡ ಹಾಗೂ ಇನ್ನಿತರ ಮುಖ್ಯಮಂತ್ರಿಗಳು ಹಾಗೂ ಹಿರಿಯ ರಾಜಕಾರಣಿಗಳನ್ನು ಹತ್ತಿರದಿಂದ ಬಲ್ಲವರು. ಹಳೆಯ ರಾಜಕಾರಣಿಗಳ ಸೃಜನಶೀಲತೆ, ಸಜ್ಜನಿಕೆಯನ್ನು ವಿಸ್ತೃತವಾಗಿ ಇದೊಂಥರಾ ಆತ್ಮಕತೆಯಲ್ಲಿ ವಿವರಿಸಿದ್ದಾರೆ.