ಬೆಂಗಳೂರು :ಸಚಿವ ಸ್ಥಾನ ತಪ್ಪಿದವರಿಗೆ ವೈರಾಗ್ಯ ಕಾಡುವುದು ಸಹಜ. ಇದೊಂಥರಾ ಸ್ಮಶಾನ ವೈರಾಗ್ಯದ ತರಹ ಸ್ವಾಭಾವಿಕವಾಗಿ ಕಾಡುತ್ತದೆ ಎಂದು ಸಚಿವ ಮುರುಗೇಶ್ ನಿರಾಣಿ ತಿಳಿಸಿದರು. ವಿಕಾಸಸೌಧದಲ್ಲಿ ಮಾತನಾಡಿದ ಅವರು, ನನಗೂ 2019ರಲ್ಲಿ ಅವಕಾಶ ಸಿಕ್ಕಿರಲಿಲ್ಲ.
ನನ್ನದೇ ಬ್ಯಾಚ್ಮೇಟ್ ನವರು ಸಚಿವರಾಗಿದ್ರು. ಆದರೂ ನಾನು ಅಸಮಾಧಾನ ತೋರಿಸಿಕೊಂಡಿರಲಿಲ್ಲ. ನನ್ನ ಸಹಪಾಠಿಗಳೇ ಸಚಿವರಾಗಿದ್ದಾರೆ. ಮುಖ್ಯಮಂತ್ರಿ ಆಗಿದ್ದಾರೆ. ತಾಳಿದವನು ಬಾಳಿಯಾನು ಅಂತಾ ಕಾಯಬೇಕು. ತಾಳ್ಮೆಯಿಂದ ಕಾದಿದ್ದಕ್ಕೆ ಮಂತ್ರಿ ಸ್ಥಾನ ಸಿಕ್ಕಿದೆ ಎಂದರು.
ಖಾತೆ ಸಿಗದವರ ಬಗ್ಗೆ ಸಚಿವ ಮುರುಗೇಶ್ ನಿರಾಣಿ ಹೀಗಂತಾರೆ..
ಇನ್ನು ಕೆಲವು ಸಮರ್ಥರಿಗೆ ಸಚಿವ ಸ್ಥಾನ ಕೈತಪ್ಪಿದೆ. ಅವರೆಲ್ಲರ ಜೊತೆಗೆ ಸಿಎಂ ಚರ್ಚೆ ನಡೆಸಿದ್ದಾರೆ. ಬರುವಂತಹ ದಿನಗಳಲ್ಲಿ ಅದನ್ನು ಸರಿ ಮಾಡ್ತಾರೆ ಎಂಬ ವಿಶ್ವಾಸ ಇದೆ. ಆದರೆ, 70 ವರ್ಷದಲ್ಲಿ ಯಾವಾಗ ಮಂತ್ರಿಮಂಡಲ ರಚನೆ ಆಗಿದೆಯೋ, ಆಗೆಲ್ಲ ಎರಡು ಮೂರು ದಿನ ಅಸಮಾಧಾನ ಇರುತ್ತದೆ.