ಬೆಂಗಳೂರು: 17 ಜನ ಪುಣ್ಯಾತ್ಮರು ಬಿಟ್ಟು ಹೋಗಿ ನನ್ನ ಸೇವ್ ಮಾಡಿದ್ರು ಅನ್ನೋ ಹೆಚ್ಡಿಕೆ ಹೇಳಿಕೆ ನನಗೆ ಅರ್ಥ ಆಗಿಲ್ಲ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಸೂಚ್ಯವಾಗಿ ತಿಳಿಸಿದರು.
ಕೆಪಿಸಿಸಿ ಅಧ್ಯಕ್ಷ ಡಿ ಕೆ ಶಿವಕುಮಾರ್
ಸದಾಶಿವನಗರದ ತಮ್ಮ ನಿವಾಸದಲ್ಲಿ ಮಾತನಾಡಿದ ಅವರು, ಹೆಚ್ಡಿಕೆ ಹೇಳಿಕೆ ನನಗೆ ಅರ್ಥ ಆಗ್ತಿಲ್ಲ. ಇದು ಪತ್ರಿಕೆಗಳಲ್ಲಿ ಬಂದಿದೆ. ನಾನು ಎರಡು ಮೂರು ಬಾರಿ ಓದಿದೆ. ಇನ್ನೂ ಓದುತ್ತಿದ್ದೇನೆ ನನಗೆ ಅರ್ಥ ಆಗುತ್ತಿಲ್ಲ. 17 ಶಾಸಕರು ಪಕ್ಷ ಬಿಟ್ಟು ಹೋದ್ರು. ಸರ್ಕಾರಕ್ಕೆ ಬ್ಯಾಕ್ ಸ್ಟಾಬ್ ಮಾಡಿದ್ರು ಎಂದು ಕಿಡಿ ಕಾರಿದರು.
ನನ್ನ ಲೆವಲ್ ಅಲ್ಲ: ಶ್ರೀರಾಮುಲು ಪಿಎ ಬಂಧನ ವಿಚಾರವಾಗಿ ಪ್ರತಿಕ್ರಿಯಿಸಲು ನಿರಾಕರಿಸಿದ ಡಿಕೆಶಿ, ಪಿಎಗಳ ಬಗ್ಗೆ ನಾನು ಮಾತನಾಡಲ್ಲ. ಅವರಲ್ಲಿ ಇರೋ ಸಮಸ್ಯೆ ಬಗ್ಗೆ ನೀವು ತೋರಿಸುತ್ತಿದ್ದೀರಿ, ಅದನ್ನ ನೋಡ್ತಿದ್ದೇವೆ. ಅದು ರಾಮುಲು, ವಿಜಯೇಂದ್ರ ವಿಚಾರ. ನನ್ನ ಲೆವಲ್ ಅಲ್ಲ ಎಂದರು.