ಬೆಂಗಳೂರು:ಮೊದಲ ರಾತ್ರಿಗೆ ಎರಡು ದಿನ ಬಾಕಿ ಇರುವಾಗಲೇ ಪತ್ನಿಯ ರಾಸಲೀಲೆಯ ಫೋಟೋಗಳನ್ನು ಮೊಬೈಲ್ನಲ್ಲಿ ನೋಡಿದ ಪತಿಗೆ ಶಾಕ್ ಆಗಿದೆ. ನವ ದಾಂಪತ್ಯ ಜೀವನಕ್ಕೆ ಆರಂಭದಲ್ಲೇ ಪೂರ್ಣ ವಿರಾಮ ಬಿದ್ದಿರುವ ಪ್ರಕರಣ ಸುಬ್ರಮಣ್ಯ ನಗರದಲ್ಲಿ ಬೆಳಕಿಗೆ ಬಂದಿದೆ.
ಸುಬ್ರಮಣ್ಯ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಬಳಿ ಸಂತ್ರಸ್ತ ಯುವಕ ವಾಸವಿದ್ದು ಹಾಸನ ಮೂಲದ ಸರ್ಕಾರಿ ಉದ್ಯೋಗದಲ್ಲಿರುವ ಯುವತಿಯ ಪ್ರಪೋಸಲ್ ಬಂದ ಕಾರಣ ಎರಡು ಮನೆಯವರ ಒಪ್ಪಿಗೆ ಮೇರೆಗೆ 2019 ಜೂನ್ 30ರಂದು ಹಿರಿಯರ ಮುಂದೆ ಪರಸ್ಪರ ಒಪ್ಪಿಗೆ ಮದುವೆಯಾಗಿದ್ದ. ನಂತರ ಕೆಲ ಸಾಂಪ್ರದಾಯಿಕ ಪೂಜೆ, ಪುನಸ್ಕಾರ ಇದ್ದ ಕಾರಣ, ಕೆಲಕಾಲ ಬಿಡುವಿನಲ್ಲಿದ್ದ ಸಂತ್ರಸ್ತ ಹುಡುಗನಿಗೆ ಫೇಸ್ಬುಕ್ನಲ್ಲಿ ಪ್ರಮೋದ್ ಕುಮಾರ್ ಎಂಬ ಹೆಸರಿನ ಅಕೌಂಟ್ನಿಂದ ಮೆಸ್ಸೇಜ್ ಬಂದಿತ್ತು. ಹೊಸದಾಗಿ ಮದುವೆ ಆಗಿದ್ದ ಹುಡುಗಿ ಇದಕ್ಕೂ ಮುನ್ನ ವಿನೀತ್ ಎಂಬಾತನನ್ನು ಪ್ರೀತಿಸಿ ಮೋಸ ಮಾಡಿರುವುದಾಗಿ ತಿಳಿಸಿದ್ದಾನೆ. ಹಾಗೆ ಆಕೆಯ ನಗ್ನ ಫೋಟೋಗಳನ್ನು ಕಳುಹಿಸಿ ಹೆಚ್ಚಿನ ಮಾಹಿತಿಗೆ ವಿನೀತ್ ನಂಬರ್ ಶೇರ್ ಮಾಡಿದ್ದ.