ಅನಾಥ ಶವ ಸಾಗಿಸಿ ಮಾನವೀಯತೆ ಮೆರೆದ ಬಿಬಿಎಂಪಿ ಸದಸ್ಯ

ಮಲ್ಲಸಂದ್ರ ವಾರ್ಡ್​ 13ರ ಬಿಬಿಎಂಪಿ ಸದಸ್ಯ ಲೋಕೇಶ್​ ಪೈಪ್​ ಲೈನ್ ಪಾರ್ಕ್​ ಬಳಿ ಅನಾಥವಾಗಿದ್ದ ಶವವನ್ನು ಅಂತ್ಯ ಸಂಸ್ಕಾರ ಮಾಡಲು ಆ್ಯಂಬುಲೆನ್ಸ್​ಗೆ ಸಾಗಿಸುವ ಮೂಲಕ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಬೆಂಗಳೂರು : ಕೊರೊನಾ ಭೀತಿಯಿಂದ ಇನ್ನೊಬ್ಬರ ಸಮೀಪ ನಿಲ್ಲಲು ಜನ ಹಿಂಜರಿಯುತ್ತಿರುವ ಪ್ರಸ್ತುತ ಸನ್ನಿವೇಶದಲ್ಲಿ, ಬಿಬಿಎಂಪಿ ಸದಸ್ಯರೊಬ್ಬರು ಅನಾಥ ಶವವನ್ನು ಸಾಗಿಸುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.

ನಗರದ ಮಲ್ಲಸಂದ್ರ ವಾರ್ಡ್​ 13ರ ಪಾಲಿಕೆ ಸದಸ್ಯ ಲೋಕೇಶ್​ ಪೈಪ್​ ಲೈನ್ ಪಾರ್ಕ್​ ಬಳಿ ಅನಾಥವಾಗಿದ್ದ ಶವವನ್ನು ಅಂತ್ಯ ಸಂಸ್ಕಾರ ಮಾಡಲು ಆ್ಯಂಬುಲೆನ್ಸ್​ಗೆ ಸಾಗಿಸುವ ಮೂಲಕ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಸ್ವತಃ ಲೋಕೇಶ್ ಅವರೇ ಪಿಪಿಇ ಕಿಟ್​ ಧರಿಸಿ ಶವ ಸಾಗಾಟದಲ್ಲಿ ಆರೋಗ್ಯ ಸಿಬ್ಬಂದಿಯೊಂದಿಗೆ ಸಹಕರಿಸಿದ್ದಾರೆ.

ಪಾಲಿಕೆ ಸದಸ್ಯರ ಕಾರ್ಯಕ್ಕೆ ಮೇಯರ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.