ಬೇವು ಬೆಲ್ಲ ಖರೀದಿ ಮಧ್ಯೆ ಸಿಲಿಕಾನ್​ ಸಿಟಿ ಮಾರ್ಕೆಟ್​ಗಳಲ್ಲಿ ಸೋಂಕಿನ ಅಬ್ಬರ!

ರಾಜಧಾನಿ ಬೆಂಗಳೂರಿನಲ್ಲಿ ನಿತ್ಯ ಕೋವಿಡ್​ ಕೇಸ್​ಗಳ ಸಂಖ್ಯೆ ಶರವೇಗದಲ್ಲಿ ಹೆಚ್ಚುತ್ತಿದೆ. ಆದರೆ, ಇದಕ್ಕೆ ಕೇರ್​ ಮಾಡದ ಸಿಲಿಕಾನ್​ ಸಿಟಿ ಮಂದಿ ಹಬ್ಬಕ್ಕೆ ವಸ್ತುಗಳನ್ನು ಕೊಳ್ಳಲು ಕೋವಿಡ್​ ರೂಲ್ಸ್​ಗಳನ್ನೇ ಬ್ರೇಕ್​ ಮಾಡಿ ಸಾಗಾರೋಪಾದಿಯಲ್ಲಿ ದಾಂಗುಡಿ ಇಟ್ಟಿದ್ದಾರೆ.

ಬೆಂಗಳೂರು: ಸಿಲಿಕಾನ್​ ಸಿಟಿ ಒಂದರಲ್ಲೇ ನಿತ್ಯ 6 ಸಾವಿರಕ್ಕೂ ಹೆಚ್ಚು ಹೊಸ ಕೊರೊನಾ ಪ್ರಕರಣಗಳು ದಾಖಲಾಗ್ತಿದ್ರೂ ಇದಕ್ಕೆ ತಲೆಕೆಡಿಸಿಕೊಳ್ಳದ ಜನ ಹಬ್ಬದ ಸಂಭ್ರಮದಲ್ಲಿದ್ದು, ಯುಗಾದಿ ಹಬ್ಬಕ್ಕೆ ವಸ್ತುಗಳನ್ನು ಕೊಳ್ಳಲು ಮಾರ್ಕೆಟ್​ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಿದ್ದಾರೆ.

ನಗರದ ಕೆ ಆರ್ ಮಾರ್ಕೆಟ್‌ನಲ್ಲಿ ಹಬ್ಬಕ್ಕೆ ಜನ ಭರ್ಜರಿ ಶಾಪಿಂಗ್ ಮಾಡುತ್ತಿದ್ದಾರೆ. ಹಬ್ಬಕ್ಕೆ ಬೇಕಾಗುವಂತಹ ಬೇವು ಬೆಲ್ಲ, ಮಾವಿನ ಎಲೆಗಳು, ಹೂವು- ಹಣ್ಣುಗಳ ವ್ಯಾಪಾರ ಜೋರಾಗಿಯೇ ನಡೆಯುತ್ತಿದ್ದು, ಜನಜಂಗುಳಿಯ ನಡುವೆ ಜನರು ಸಾಮಾಜಿಕ‌ ಅಂತರದ ಅರ್ಥವನ್ನೇ ಮರೆತಿದ್ದಾರೆ.

ಇದರ ನಡುವೆ ಬಸ್ ಮುಷ್ಕರ ಕೂಡ ಮುಂದುವರೆದಿದ್ದು, ಖಾಸಗಿ ವಾಹನಗಳ ಸಂಚಾರ ಹೆಚ್ಚಾಗಿದೆ. ಆಟೋಗಳು, ದ್ವಿಚಕ್ರ ವಾಹನಗಳು ಮತ್ತು ಸಣ್ಣ ಗೂಡ್ಸ್ ಗಾಡಿಗಳ ಸಂಚಾರ ಹೆಚ್ಚಾಗಿದೆ.