ಮಕ್ಕಳೊಂದಿಗೆ ಬಗೆ ಬಗೆಯ ಬಣ್ಣದಲ್ಲಿ ಮಿಂದೆದ್ದ ಪೊಲೀಸರು

ನಗರದಲ್ಲಿ ಹೋಳಿ ಸಂಭ್ರಮ ಜೋರಾಗಿತ್ತು. ಹಬ್ಬದ ಹುಮ್ಮಸ್ಸಿನಲ್ಲಿ ಮಕ್ಕಳು, ಯುವಕರು, ಹಿರಿಯರಾದಿಯಾಗಿ ಬಗೆ ಬಗೆಯ ಬಣ್ಣದಲ್ಲಿ ಮಿಂದೆದ್ದರು.

ಬೆಂಗಳೂರು: ಮನೆಮನ, ಶಹರದ ತುಂಬೆಲ್ಲಾ ಉತ್ಸಾಹ, ಸಂಭ್ರಮ ಕಳೆಗಟ್ಟಿತ್ತು... ಇನ್ನು ಸದಾ ಒತ್ತಡದಲ್ಲೇ ಕಾಲ ಕಳೆಯುವ ಪೊಲೀಸರು ಸಹ ಮಕ್ಕಳೊಂದಿಗೆ ಹೋಳಿ ಸಂಭ್ರಮದಲ್ಲಿ ಪಾಲ್ಗೊಂಡಿದ್ದು ಗಮನ ಸೆಳೆಯಿತು.

ಹೋಳಿ ಆಚರಣೆಯಲ್ಲಿ ಪಾಲ್ಗೊಂಡ ಪೊಲೀಸ್​ ಸಿಬ್ಬಂದಿ

ಲೋಕಸಭಾ ಚುನಾವಣೆ ಹಿನ್ನೆಲೆ ಮುಂಜಾಗ್ರತಾ ಕ್ರಮವಾಗಿ ಡಿಸಿಪಿ ಶಶಿಕುಮಾರ್ ನೇತೃತ್ವದಲ್ಲಿ ಪೊಲೀಸರು ಗುರುವಾರ ನಗರದ ಕೆಲವೆಡೆ ಪಥಸಂಚಲನ ನಡೆಸಿದರು.‌ ಈ ವೇಳೆ ಕೆಲ ಹುಡುಗರು ಬಗೆ ಬಗೆಯ ಬಣ್ಣ ಹಿಡಿದುಕೊಂಡು ಬಂದು ಪೊಲೀಸರಿಗೆ ಹಾಕುವ ಮೂಲಕ ಹಬ್ಬದ ಶುಭಾಷಯ ತಿಳಿಸಿದರು. ಮಕ್ಕಳ ಪ್ರೀತಿಗೆ ಒಲಿದ ಪೊಲೀಸ್​ ಅಧಿಕಾರಿಗಳು ಅವರೊಂದಿಗೆ ಬಣ್ಣದೋಕುಳಿ ಆಡಿ ಸಂಭ್ರಮಕ್ಕೆ ಸಾಕ್ಷಿಯಾದರು.