ಇದು ಒಳ್ಳೆಯ ಸುದ್ದಿ..ನಿಜಾಮುದ್ದೀನ್‌ ಮಸೀದಿ ಪ್ರಾರ್ಥನೆಯಲ್ಲಿದ್ದ ರಾಜ್ಯದ 12 ಮಂದಿಗೆ ಕೊರೊನಾ ನೆಗೆಟಿವ್..

ಇದರಲ್ಲಿ 62 ಇಂಡೋನೇಷ್ಯಾ ಹಾಗೂ ಮಲೇಶಿಯಾದ ಪ್ರಜೆಗಳೂ ಭಾಗಿಯಾಗಿದ್ದರು. ಈ 62 ಜನ ಕರ್ನಾಟಕಕ್ಕೆ ಬಂದಿದ್ದಾರೆ.

ಬೆಂಗಳೂರು: ದೆಹಲಿಯ ನಿಜಾಮುದ್ದೀನ್ ಮಸೀದಿಯಲ್ಲಿ ನಡೆದ ಪ್ರಾರ್ಥನೆಯಲ್ಲಿ ರಾಜ್ಯದ 300 ಜನ ಭಾಗಿಯಾಗಿದ್ದರು. ಕರ್ನಾಟಕ ಮೂಲದ 300 ಜನರಲ್ಲಿ, 12 ಜನರ ವರದಿ ನೆಗೆಟಿವ್ ಬಂದಿದೆ ಅಂತಾ ಆರೋಗ್ಯ ಸಚಿವ ಬಿ ಶ್ರೀರಾಮುಲು ಟ್ವೀಟ್​​ ಮಾಡಿದ್ದಾರೆ.

ಆರೋಗ್ಯ ಇಲಾಖೆಯು 300 ಜನರ ಮಾಹಿತಿ ಪಡೆದಿದೆ. ಇದರಲ್ಲಿ 40 ಜನರನ್ನು ಪತ್ತೆ ಹಚ್ಚಿ ಕ್ವಾರಂಟೈನ್ ಮಾಡಲಾಗುತ್ತಿದೆ. ಈ 40 ಜನರಲ್ಲಿ 12 ಜನರಿಗೆ ಕೊರೊನಾ ನೆಗೆಟಿವ್ ವರದಿ ಲಭ್ಯವಾಗಿದೆ.

ಇದರಲ್ಲಿ 62 ಇಂಡೋನೇಷ್ಯಾ ಹಾಗೂ ಮಲೇಶಿಯಾದ ಪ್ರಜೆಗಳೂ ಭಾಗಿಯಾಗಿದ್ದರು. ಈ 62 ಜನ ಕರ್ನಾಟಕಕ್ಕೆ ಬಂದಿದ್ದಾರೆ. ಅವರನ್ನೆಲ್ಲ ಕ್ವಾರಂಟೈನ್ ಮಾಡಲಾಗುತ್ತಿದೆ ಎಂದು ಟ್ವೀಟ್ ಮೂಲಕ ಆರೋಗ್ಯ ಸಚಿವ ಬಿ ಶ್ರೀರಾಮುಲು ಮಾಹಿತಿ ನೀಡಿದ್ದಾರೆ.