ಕೊರೊನಾ ಸೋಂಕಿತ ರೋಗಿಗಳಿಗೆ ಆರೋಗ್ಯ ಇಲಾಖೆಯ ಹೊಸ ಗೈಡ್ ಲೈನ್

ಆರೋಗ್ಯ ಇಲಾಖೆ ಕೊರೊನಾ ಸೋಂಕಿತರಿಗೆ ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಸೋಂಕಿನ ಯಾವುದೇ ಗುಣಲಕ್ಷಣ ಇಲ್ಲದವರು 10 ದಿನಕ್ಕೆ ಬಿಡುಗಡೆಯಾಗಿ, 14 ದಿನ ಮನೆಯಲ್ಲಿ ಹೋಮ್​ ಕ್ವಾರಂಟೈನ್​ ಆಗಬೇಕು.

ಬೆಂಗಳೂರು:ಕೊರೊನಾ ಸೋಂಕಿತ ರೋಗಿಗಳಿಗೆ ಆರೋಗ್ಯ ಇಲಾಖೆ ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಯಾವುದೇ ಗುಣಲಕ್ಷಣಗಳು ಇಲ್ಲದ ಸೋಂಕಿತರು 10ನೇ ದಿನಕ್ಕೆ ಡಿಸ್ಚಾರ್ಜ್ ಆಗಬಹುದು. ಬಳಿಕ 14 ದಿನಗಳ ಕಾಲ ಮನೆಯಲ್ಲಿಯೇ ಹೋಮ್​​ ಕ್ವಾರಂಟೈನ್​​ ಆಗಬೇಕು ಎಂದು ಹೇಳಿದೆ.

ಗುಣಲಕ್ಷಣಗಳು ಇಲ್ಲದ ಸೋಂಕಿತನಿಗೆ 7ನೇ ದಿನ ಮತ್ತೊಮ್ಮೆ ಟೆಸ್ಟ್ ಮಾಡಲಾಗುತ್ತೆ. ಆ ಸಂದರ್ಭದಲ್ಲಿ ನೆಗೆಟಿವ್ ಬಂದ್ರೆ 10 ದಿನದಲ್ಲಿ ಡಿಸ್ವಾರ್ಜ್ ಮಾಡಲಾಗುತ್ತೆ. ಕೊನೆ ಮೂರು ದಿನಗಳಲ್ಲಿ ವ್ಯಕ್ತಿ ಆರೋಗ್ಯಯುತವಾಗಿ ಉಸಿರಾಡುತ್ತಿರಬೇಕು, ಜ್ವರ, ನೆಗಡಿ, ಕೆಮ್ಮಿನ ಲಕ್ಷಣಗಳು ಇರಬಾರದು. ಮೂರು ದಿನ ಸತತವಾಗಿ ಸ್ಕ್ರೀನಿಂಗ್ ಮಾಡಲಾಗುತ್ತೆ. ಈ ವೇಳೆ ಯಾವುದೇ ರೋಗ ಲಕ್ಷಣಗಳು ಕಂಡು ಬರದಿದ್ರೆ ಬಿಡುಗಡೆ ಮಾಡಲಾಗುತ್ತೆ.

ಆರೋಗ್ಯ ಇಲಾಖೆಯ ಹೊಸ ಗೈಡ್ ಲೈನ್

ಹೊರ ರಾಜ್ಯಗಳಿಂದ ಬರುವ ಶೇ. 95 ಮಂದಿಗೆ ರೋಗ ಲಕ್ಷಣಗಳಿಲ್ಲ:

ಹೊರ ರಾಜ್ಯಗಳಿಂದ ಕರ್ನಾಟಕಕ್ಕೆ ಬರುತ್ತಿರುವ ಪ್ರಯಾಣಿಕರಲ್ಲಿ ಶೇ. 95 ರಷ್ಟು ಜನರಿಗೆ ಯಾವುದೇ ಕೊರೊನಾ ರೋಗಲಕ್ಷಣವಿಲ್ಲ. ಆರೋಗ್ಯ ಇಲಾಖೆ ನಿದ್ದೆಗೆಡಿಸಿರುವ ಏಸಿಂಪ್ಟಮ್ಯಾಟಿಕ್ ಪ್ರಕರಣಗಳು, ಸದ್ಯ ರಾಜ್ಯದಲ್ಲಿ 1,489 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ.‌ ಇವರಲ್ಲಿ 1,410 ಜನರಿಗೆ ಯಾವುದೇ ರೋಗಲಕ್ಷಣವಿಲ್ಲ. ಉಳಿದ 79 ಜನರಿಗೆ ಮಾತ್ರ ರೋಗ ಲಕ್ಷಣವಿದೆ.