ಬೆಂಗಳೂರು:ಅಮೆರಿಕಾದಿಂದ ಲಂಡನ್ ಮೂಲಕ ಬೆಂಗಳೂರಿಗೆ ಆಗಮಿಸಿದ್ದ 32 ವರ್ಷದ ಟೆಕ್ಕಿ(ಪಿ-8)ಗೆ ಕೊರೊನಾ ಪಾಸಿಟಿವ್ ಇರುವುದನ್ನು ಈಗಾಗಲೇ ದೃಢಪಡಿಸಿದ್ದ ಆರೋಗ್ಯ ಇಲಾಖೆ ಇದೀಗ ಸೋಂಕಿತ ವ್ಯಕ್ತಿ ವಿದೇಶದಿಂದ ಹೊರಟ ಕ್ಷಣದಿಂದ ಆಸ್ಪತ್ರೆಗೆ ದಾಖಲಾಗುವವರೆಗೆ ಎಲ್ಲೆಲ್ಲಿ ಭೇಟಿಯಾಗಿದ್ದರು ಎನ್ನುವ ಮಾಹಿತಿಯನ್ನು ಪ್ರಕಟಿಸಿದೆ.
ಆರೋಗ್ಯ ಇಲಾಖೆಯಿಂದ ಮಾಹಿತಿ
- ಮಾರ್ಚ್ 6 ನಸುಕಿನ ಹೊತ್ತು 4.30 ಕ್ಕೆ ಅಮೆರಿಕಾದ ಸ್ಯಾನ್ ಆ್ಯಂಟೋನಿಯಂ ನಿಂದ ಹೊರಟು ಡಾಲ್ಲಾಸ್ಗೆ ಅಮೆರಿಕನ್ ಏರ್ ವೇಸ್ ಮೂಲಕ ಪ್ರಯಾಣ.
- ಮಾರ್ಚ್ 7 ರಂದು ಡಲ್ಲಾಸ್ ನಿಂದ ಲಂಡನ್ನ ಹೀರ್ಥೋಗೆ ಬೆಳಗ್ಗೆ 9.20 ಕ್ಕೆ ಅಮೆರಿಕನ್ ಏರ್ ವೇಸ್ ಮೂಲಕ ಪ್ರಯಾಣ.
- ಮಾರ್ಚ್ 8 ರಂದು ಲಂಡನ್ನ ಹೀಥ್ರೋ ವಿಮಾನ ನಿಲ್ದಾಣದಿಂದ ಬ್ರಿಟಿಷ್ ಏರ್ ವೇಸ್ ಮೂಲಕ ಹೊರಟು 4.29 ಕ್ಕೆ ಬೆಂಗಳೂರಿನ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮನ.
- ಮಾರ್ಚ್ 9 ರಂದು ಗೇಮರ್‌ ಟೆನ್ನಿಸ್ ಕೋರ್ಟ್ಗೆ ಭೇಟಿ ನೀಡಿ ಸರದಿಯಂತೆ ಮೂವರು ಆಟಗಾರರೊಂದಿಗೆ ಆಟ.
- ಮಾರ್ಚ್ 10 ರಂದು ಸ್ವಂತ ವಾಹನದಲ್ಲಿ ತೆರಳಿ ಇಬ್ಬರು ಸ್ನೇಹಿತರ ಭೇಟಿ ನಂತರ ಪತ್ನಿಯೊಂದಿಗೆ ಮಾಡಿವಾಳದ ಸಂಧ್ಯಾ ಚಿತ್ರಮಂದಿರದಲ್ಲಿ ಸಿನಿಮಾ ವೀಕ್ಷಣೆ.
- ಮಾರ್ಚ್ 11 ಕೊರೊನಾ ನಿಗಾದ ಎಸ್‌ಎಸ್‌ಯು ತಂಡಕ್ಕೆ ಸಿಕ್ಕ ಟೆಕ್ಕಿ, ಸಣ್ಣ ಪ್ರಮಾಣದ ಶೀತ ಪತ್ತೆ, ನಿವಾಸದಲ್ಲಿ ಪ್ರತ್ಯೇಕವಾಗಿರಲು ಸಲಹೆ.
- ಮಾರ್ಚ್ 12 ರಾಜೀವ್ ಗಾಂಧಿ ಆಸ್ಪತ್ರೆಗೆ ತೆರಳಲು ಎಸ್‌ಎಸ್‌ಯು ತಂಡದ ಸಲಹೆ.
- ಮಾರ್ಚ್ 13 ಆಸ್ಪತ್ರೆಗೆ ತೆರಳದೇ ಮನೆಯಲ್ಲೇ ಉಳಿದ ಟೆಕ್ಕಿ(ಪಿ-8).
- ಮಾರ್ಚ್ 14 ರಂದು ಸ್ವಂತ ವಾಹನದಲ್ಲಿ ಪತ್ನಿ ಜೊತೆ ರಾಜೀವ್ ಗಾಂಧಿ ಆಸ್ಪತ್ರೆಗೆ ಭೇಟಿ.
- ಮಾರ್ಚ್ 15 ರಂದು ಬೆಳಗ್ಗೆ 9.30 ಕ್ಕೆ ನಗರದಲ್ಲಿ ಕೊರೊನಾ ರೋಗಿಗಳಿಗೆ ಚಿಕಿತ್ಸೆ ನೀಡಲು ಗುರುತಿಸಲ್ಪಟ್ಟ ಆಸ್ಪತ್ರೆಗೆ 108 ಆಂಬುಲೆನ್ಸ್ ಮೂಲಕ ಸ್ಥಳಾಂತರ ಮಾಡಿ ದಾಖಲು ಮಾಡಿ ಚಿಕಿತ್ಸೆ ನೀಡಲಾಗುತ್ತಿದೆ.