ಕುಟುಂಬ ಸಮೇತ ಸಿಂಗಾಪುರ್​ಗೆ ಪ್ರಯಾಣ ಬೆಳೆಸಿದ ಹೆಚ್​ಡಿಕೆ

ಮಾಜಿ ಮುಖ್ಯಮಂತ್ರಿ ಹೆಚ್​.ಡಿ.ಕುಮಾರಸ್ವಾಮಿ ಕುಟುಂಬ ಸಮೇತರಾಗಿ ಸಿಂಗಾಪುರ್​ಗೆ ತೆರಳಿದ್ದಾರೆ.

ಬೆಂಗಳೂರು: ಮಾಜಿ ಮುಖ್ಯಮಂತ್ರಿ ಹೆಚ್​.ಡಿ ಕುಮಾರಸ್ವಾಮಿ ಕುಟುಂಬ ಸಮೇತರಾಗಿ ಸಿಂಗಾಪುರ್​ಗೆ ತೆರಳಿದ್ದಾರೆ.

ಮೈತ್ರಿ ಸರ್ಕಾರದಲ್ಲಿ ಅವರು ಮುಖ್ಯಮಂತ್ರಿಯಾಗಿದ್ದಾಗಲೂ ಸಹ ಸಿಂಗಾಪುರ್, ಅಮೆರಿಕಾ ಮತ್ತಿತರ ದೇಶಗಳಿಗೆ ಪ್ರವಾಸ ಮಾಡಿದ್ದರು. ಇನ್ನು ಸಿಂಗಾಪುರ್​ಗೆ ಆಗಾಗ ಹೋಗಿ ಬರುವುದು ಸಾಮಾನ್ಯವಾಗಿತ್ತು. ಇದೀಗ ಪತ್ನಿ ಅನಿತಾ ಕುಮಾರಸ್ವಾಮಿ ಹಾಗೂ ಪುತ್ರ ನಿಖಿಲ್ ಜೊತೆ ಸಿಂಗಾಪುರ್​​​ ಪ್ರಯಾಣ ಬೆಳೆಸಿದ್ದಾರೆ.

ಕಳೆದ ಎರಡು-ಮೂರು ವರ್ಷಗಳಿಂದ ಹೊಸ ವರ್ಷಾಚರಣೆಯನ್ನು ಅಲ್ಲೇ ಆಚರಿಸುತ್ತಿದ್ದ ಕುಮಾರಸ್ವಾಮಿ, ಈ ಬಾರಿಯೂ ಹೊಸ ವರ್ಷವನ್ನು ಅಲ್ಲೇ ಆಚರಿಸಲಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.

ಉಪ ಚುನಾವಣೆ ಸೋಲು, ರಾಜಕೀಯ ಚಟುವಟಿಕೆಗಳಿಂದ ಸ್ವಲ್ಪ ಮಟ್ಟಿಗೆ ದೂರವೇ ಉಳಿದಿರುವ ಹೆಚ್​ಡಿಕೆ, ಕುಟುಂಬದೊಂದಿಗೆ ಸಿಂಗಾಪುರ್​​ಗೆ ತೆರಳಿದ್ದಾರೆ. ಇವರ ಜೊತೆ ಜೆಡಿಎಸ್​ನ ಕೆಲ ಆಪ್ತ ನಾಯಕರೂ ತೆರಳಿದ್ದಾರೆ. ಜನವರಿ 2ರಂದು ಅವರು ಬೆಂಗಳೂರಿಗೆ ವಾಪಸ್ ಆಗುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ.