ಬೆಂಗಳೂರು: ಮಾಜಿ ಪ್ರಧಾನಿ, ಜೆಡಿಎಸ್ ವರಿಷ್ಠ ಹೆಚ್.ಡಿ. ದೇವೇಗೌಡ ಹಾಗೂ ಮಾಜಿ ಮುಖ್ಯಮಂತ್ರಿ ಹೆಚ್.ಡಿ. ಕುಮಾರಸ್ವಾಮಿ, ನಾಡಿನ ಸಮಸ್ತ ಜನತೆಗೆ ವರ್ಷದ ಮೊದಲ ಹಬ್ಬವಾದ ಮಕರ ಸಂಕ್ರಾಂತಿಗೆ ಶುಭಾಶಯ ಕೋರಿದ್ದಾರೆ.
ದಣಿವರಿಯದೆ ದುಡಿಯುವ ಅನ್ನದಾತ ರೈತ ಸುಖವಾಗಿರಲಿ ಎಂದು ಈ ಸುಗ್ಗಿ ಹಬ್ಬದಂದು ಹರಸೋಣ ಎಂದು ಟ್ವೀಟ್ ಮೂಲಕ ತಿಳಿಸಿದ್ದಾರೆ.
ಮಕರ ಸಂಕ್ರಾಂತಿಯು ಜನರ ಸಂಕಷ್ಟಗಳೆಲ್ಲವನ್ನೂ ಕಳೆದು ಉತ್ತರೋತ್ತರ ಸುಗ್ಗಿ-ಸಮೃದ್ಧಿಯನ್ನು ಕರುಣಿಸಲಿ ಎಂದು ಹೆಚ್.ಡಿ. ಕುಮಾರಸ್ವಾಮಿ ಟ್ವೀಟ್ ಮಾಡಿದ್ದು, ನಾಡಿನ ಜನತೆಗೆ ಮಕರ ಸಂಕ್ರಾಂತಿಯ ಶುಭಾಶಯಗಳನ್ನು ಕೋರಿದ್ದಾರೆ.
ಈ ಸುದ್ದಿಯನ್ನೂ ಓದಿ:ಕೊರೊನಾ ಮುಂಜಾಗ್ರತೆ: ಪ್ರಸಿದ್ಧ ಚಿಕ್ಕಲ್ಲೂರು ಜಾತ್ರಾ ಮಹೋತ್ಸವಕ್ಕೆ ಬ್ರೇಕ್
ಸಂಕ್ರಾಂತಿ ಒಕ್ಕಲುತನದ ಶ್ರಮ ಸಂಭ್ರಮದ ಹಬ್ಬ. ಪಥಬದಲಿಸುವ ಸೂರ್ಯ ಪ್ರಭೆಯೂ ಈ ನಾಡಿನ ಜನ, ಜಾನುವಾರು, ಪ್ರಕೃತಿಯನ್ನು ಸದಾ ಸುಖ, ಸಂತೋಷ, ಆರೋಗ್ಯ ಪೂರ್ಣವಾಗಿ ಕಾಯಲಿ ಎಂದು ಸೂರ್ಯದೇವನಲ್ಲಿ ಪ್ರಾರ್ಥಿಸಿದ್ದಾರೆ.