ಬೆಂಗಳೂರು: ಒಂದೆಡೆ ಕೊರೊನಾ ಸೋಂಕಿನ ಹಾವಳಿಯಾದರೆ, ಮತ್ತೊಂದೆಡೆ ಸೈಬರ್ ಖದೀಮರ ಹಾವಳಿ ದಿನೇ ದಿನೆ ಹೆಚ್ಚಾಗುತ್ತಿದೆ. ಈ ಹಿನ್ನೆಲೆ ಈ ಕೃತ್ಯಗಳನ್ನು ತಡೆಗಟ್ಟಲು ಜೆ.ಸಿ.ನಗರದ ಎಸಿಪಿ ರೀನಾ ಸುವರ್ಣರನ್ನು ನೋಡಲ್ ಅಧಿಕಾರಿಯಾಗಿ ನೇಮಿಸಲಾಗಿದೆ.
ಸೈಬರ್ ಖದೀಮರ ಮಟ್ಟ ಹಾಕಲು ಮಹಿಳಾ ಅಧಿಕಾರಿಗಳ ತಂಡ ನೇಮಕ
ಬೆಂಗಳೂರು: ಸೈಬರ್ ಖದೀಮರ ಮಟ್ಟ ಹಾಕಲು ಮಹಿಳಾ ಅಧಿಕಾರಿಗಳ ತಂಡ ನೇಮಕ
ಮಕ್ಕಳು ಮತ್ತು ವಿದ್ಯಾರ್ಥಿಗಳು ಹಾಗೆಯೇ ಯುವತಿಯರ ಫೋಟೋಗಳನ್ನು ಕೆಲ ಸೈಬರ್ ಅಪರಾಧಿಗಳು ಎಡಿಟ್ ಮಾಡಿ ಪೊರ್ನ್ ವೆಬ್ಸೈಟ್ಗಳಿಗೆ ಅಪ್ಲೋಡ್ ಮಾಡುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಹೀಗಾಗಿ ಇವುಗಳನ್ನ ಮಟ್ಟ ಹಾಕಲು ಮಹಿಳಾ ನೋಡಲ್ ಅಧಿಕಾರಿಗಳ ತಂಡ ರೆಡಿಯಾಗಿದೆ.
ಸೈಬರ್ ಖದೀಮರ ಮಟ್ಟ ಹಾಕಲು ಮಹಿಳಾ ತಂಡ ನೇಮಕ
ಈ ಬಗ್ಗೆ ಈಟಿವಿ ಭಾರತ ಜೊತೆ ರೀನಾ ಸುವರ್ಣ, ಲಾಕ್ಡೌನ್ ಸಂದರ್ಭದಲ್ಲಿ ಬಹುತೇಕ ಸೈಬರ್ ಅಪರಾಧಗಳು ರಾಜ್ಯದಲ್ಲಿ ನಡೆದಿವೆ. ಸದ್ಯ ಮಕ್ಕಳು ಹಾಗೂ ಯುವತಿಯರಿಗೆ ಸೈಬರ್ ಖದೀಮರು ಮಾನಸಿಕ ಹಿಂಸೆ ನೀಡುತ್ತಿದ್ದಾರೆ. ಅಶ್ಲೀಲ ಫೋಟೋ ಎಡಿಟ್ ಮಾಡಿ ಪೋರ್ನ್ ವೆಬ್ಸೈಟ್ಗಳಿಗೆ ಅಪ್ಲೋಡ್ ಮಾಡಿ ಹಣ ಗಳಿಸುತ್ತಿದ್ದಾರೆ.
ಹೀಗಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋ ಅಪ್ಲೋಡ್ ಮಾಡುವ ಮುನ್ನ ಯೋಚಿಸಿ ಅಪ್ಲೋಡ್ ಮಾಡುವುದು ಅನಿವಾರ್ಯವಾಗಿದೆ. ಸದ್ಯ ಇಂಟರ್ನೆಟ್ ಬಳಕೆ ಹೆಚ್ಚಾಗಿದೆ. ಹೀಗಾಗಿ ಸೈಬರ್ ಖದೀಮರು ಇದನ್ನು ಸದ್ಬಳಕೆ ಮಾಡಿಕೊಂಡು ಇಂತಹ ಕೃತ್ಯಗಳಲ್ಲಿ ತೊಡಗಿದ್ದಾರೆಂದು ಹೇಳಿದರು.