ಸ್ವಚ್ಛತೆಗೆ ಮಿಡಿದ ಒಳಗಣ್ಣು: ಬೆಂಗಳೂರಿನ ಅಂದ ಹೆಚ್ಚಿಸಿದ ಅಂಧರು

ದಿ ಅಗ್ಲಿ ಇಂಡಿಯನ್​ ಎಂಬ ಸಂಸ್ಥೆಯು ಬಿಬಿಎಂಪಿ ಜೊತೆಗೂಡಿ ಬೆಂಗಳೂರಿನಲ್ಲಿ ಗಲೀಜಾಗಿರುವ ಗೋಡೆಗಳಿಗೆ ಬಣ್ಣ ಹಚ್ಚುವ ಹಾಗೂ ರಸ್ತೆಗಳನ್ನು ಶುಚಿಗೊಳಿಸುವ ಕಾರ್ಯ ಕೈಗೆತ್ತಿಕೊಂಡಿದೆ. ಸಾರ್ವಜನಿಕರಿಗೆ ನಗರ ಸ್ವಚ್ಛತೆ ಕುರಿತು ಅರಿವು ಮೂಡಿಸುವ ನಿಟ್ಟಿನಲ್ಲಿ ಅಂಧರಿಂದ ನಗರದ ಗೋಡೆಗಳಿಗೆ ಬಣ್ಣ ಹಚ್ಚಿಸಲಾಗಿದೆ.

ಹೈದರಾಬಾದ್​: ಕಣ್ಣು ಕಾಣದಿದ್ದರೂ ಅಂಧರ ತಂಡವೊಂದು ಬೆಂಗಳೂರಿನ ಅಂದ ಹೆಚ್ಚಿಸಲು ಇಂದು ಒಂದು ವಿಭಿನ್ನ ಪ್ರಯತ್ನ ಮಾಡಿತು.

ದಿ ಅಗ್ಲಿ ಇಂಡಿಯನ್​ ಎಂಬ ಸಂಸ್ಥೆಯು ಬಿಬಿಎಂಪಿ ಜೊತೆಗೂಡಿ ಬೆಂಗಳೂರಿನಲ್ಲಿ ಗಲೀಜಾಗಿರುವ ಗೋಡೆಗಳಿಗೆ ಬಣ್ಣ ಹಚ್ಚುವ ಹಾಗೂ ರಸ್ತೆಗಳನ್ನು ಶುಚಿಗೊಳಿಸುವ ಕಾರ್ಯ ಕೈಗೆತ್ತಿಕೊಂಡಿದೆ.

ಕೃಪೆ: ದಿ ಅಗ್ಲಿ ಇಂಡಿಯನ್​ ಸಂಸ್ಥೆ

ಸಾರ್ವಜನಿಕರಿಗೆ ನಗರ ಸ್ವಚ್ಛತೆ ಕುರಿತು ಅರಿವು ಮೂಡಿಸುವ ನಿಟ್ಟಿನಲ್ಲಿ ಅಂಧರಿಂದ ನಗರದ ಗೋಡೆಗಳಿಗೆ ಬಣ್ಣ ಹಚ್ಚಿಸಲಾಗಿದೆ.

ನಾನು ಹುಟ್ಟು ಅಂಧೆ. ಪೇಂಟಿಂಗ್​ ಮಾಡಬೇಕೆಂದು ಚಿಕ್ಕಂದಿನಿಂದ ಆಸೆಯಿತ್ತು, ಆದರೆ ಕುರುಡುತನದಿಂದ ಅದು ಸಾಧ್ಯವಾಗಿರಲಿಲ್ಲ, ಇದೀಗ ಒಂದು ಅವಕಾಶ ಸಿಕ್ಕಿದೆ ಎಂದು ಅಂಧೆಯೊಬ್ಬರು ಸಂಸ್ಥೆಯು ತನ್ನ ಅಧಿಕೃತ ಫೇಸ್​ಬುಕ್​ ಪುಟದಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಹೇಳಿದ್ದಾರೆ.