ಅನಧಿಕೃತ ನೀರಿನ ಸಂಪರ್ಕ ಅಧಿಕೃತಗೊಳಿಸಿಕೊಳ್ಳಲು ಕಾಲಾವಕಾಶ ವಿಸ್ತರಣೆ

ಅನಧಿಕೃತ ನೀರಿನ ಸಂಪರ್ಕ ಹೊಂದಿರುವ ಹಲವಾರು ಕಟ್ಟಡ ಮಾಲೀಕರು ಅಧಿಕೃತಗೊಳಿಸಿಕೊಳ್ಳಲು ಇನ್ನು ಕೂಡ ಆನ್​ಲೈನ್ ಅರ್ಜಿ ಸಲ್ಲಿಸಿಲ್ಲ. ಇದಕ್ಕೆ ಅರ್ಜಿ ಸಲ್ಲಿಸುವ ಕಾಲಾವಕಾಶವನ್ನು 31-12-2020ರವರೆಗೆ ವಿಸ್ತರಿಸಲಾಗಿದೆ..

ಬೆಂಗಳೂರು :ಜಲಮಂಡಳಿ ಇತ್ತೀಚೆಗೆ ಅನಧಿಕೃತ ನೀರಿನ ಸಂಪರ್ಕ ಹಾಗೂ ಒಳಚರಂಡಿ ಸಂಪರ್ಕಗಳ ಪರಿಶೀಲನೆ ನಡೆಸಿ, ಸಂಪರ್ಕಗಳನ್ನು ಕಡಿತಗೊಳಿಸಿದೆ. ಹಲವಾರು ಕಟ್ಟಡ ಮಾಲೀಕರು ಅನಧಿಕೃತ ಸಂಪರ್ಕ ಅಧಿಕೃತಗೊಳಿಸಲು ಇನ್ನು ಕೂಡ ಆನ್​ಲೈನ್ ಅರ್ಜಿ ಸಲ್ಲಿಸಿಲ್ಲ.

ಪ್ರೋರೇಟಾ ಶುಲ್ಕಕ್ಕೆ ಒಳಪಡುವ ಕಟ್ಟಡಗಳನ್ನು ಹೊರತುಪಡಿಸಿ ಬೇರೆ ಕಟ್ಟಡಗಳಿಗೆ ಯಾವುದೇ ದಂಡ ಇಲ್ಲದೆ ಮಂಡಳಿಯಿಂದ ಕೂಡಲೇ ಸಂಪರ್ಕ ನೀಡಲಾಗುವುದು.

ಪತ್ರಿಕಾ ಪ್ರಕಟಣೆ

ಅಲ್ಲದೇ 30-11-2020ರವರೆಗೆ ಇದ್ದ ಕಾಲಾವಕಾಶವನ್ನ, 31-12-2020 ರವರೆಗೆ ವಿಸ್ತರಿಸಲಾಗಿದೆ. ಈ ದಿನಾಂಕದ ಒಳಗಾಗಿ ಅಧಿಕೃತಗೊಳಿಸದಿದ್ದಲ್ಲಿ ಮಂಡಳಿಯ ನಿಯಮ ಪ್ರಕಾರ ದಂಡ ವಿಧಿಸುವುದಲ್ಲದೆ ಬಿಎಂಟಿಎಫ್​ಗೆ ದೂರು ಸಲ್ಲಿಸಲಾಗುತ್ತದೆ ಎಂದು ತಿಳಿಸಿದೆ.