ಬಿಡಿಎ ಮೂರನೇ ಹಂತದ ನಿವೇಶನಗಳ ಇ-ಹರಾಜು ವಿಲೇವಾರಿ ಪ್ರಾರಂಭ

ಬಿಡಿಎ ಮೂರನೇ ಹಂತದ ನಿವೇಶನಗಳ ಇ-ಹರಾಜು ಪ್ರಕ್ರಿಯೆಯು ದಿನಾಂಕ 09.09.2020ರ ಬೆಳಿಗ್ಗೆ 11.00 ಗಂಟೆಯಿಂದ ಬಿಡ್ಡಿಂಗ್ ಪ್ರಾರಂಭವಾಗಲಿದೆ. ಸಾರ್ವಜನಿಕರು ಇ-ಪ್ರೊಕ್ಯೂರ್ಮೆಂಟ್ ಮೂಲಕ ಆನ್​ಲೈನ್​ನಲ್ಲಿ ಬಿಡ್ ಮಾಡಿ, ನಿವೇಶನಗಳನ್ನು ಖರೀದಿಸಬಹುದಾಗಿದೆ.

ಬೆಂಗಳೂರು: ಬಿಡಿಎ (ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ) ಪ್ರತಿಷ್ಠಿತ ಬಡಾವಣೆಗಳ ವಿವಿಧ ವಿಸ್ತೀರ್ಣದ ಮೂಲೆ ನಿವೇಶನಗಳನ್ನು ಇ-ಹರಾಜು ಮೂಲಕ ವಿಲೇವಾರಿ ಮಾಡುವ ಪ್ರಕ್ರಿಯೆಯನ್ನು ಮುಂದುವರಿಸಿದ್ದು, ಈಗ ಮೂರನೇ ಹಂತದಲ್ಲಿ ಅರ್ಕಾವತಿ ಬಡಾವಣೆ, ಹೆಚ್.ಎಸ್.ಆರ್ ಬಡಾವಣೆ, ಸರ್. ಎಂ. ವಿಶ್ವೇಶ್ವರಯ್ಯ ಬಡಾವಣೆ, ಜೆ.ಪಿ. ನಗರ, ಬನಶಂಕರಿ ಹಾಗೂ ಜ್ಞಾನಭಾರತಿ ಬಡಾವಣೆಗಳ ಒಟ್ಟು 402 ನಿವೇಶನಗಳನ್ನು ಹರಾಜಿಗಿಡಲಾಗಿದೆ.

ನಿವೇಶನಗಳ ಇ-ಹರಾಜು ಪ್ರಕ್ರಿಯೆಯು ದಿನಾಂಕ 09.09.2020 ರ ಬೆಳಿಗ್ಗೆ 11.00 ಗಂಟೆಯಿಂದ ಬಿಡ್ಡಿಂಗ್ ಪ್ರಾರಂಭವಾಗಲಿದೆ. ಸಾರ್ವಜನಿಕರು ಇ-ಪ್ರೊಕ್ಯೂರ್ಮೆಂಟ್ ಮೂಲಕ ಆನ್​ಲೈನ್​ನಲ್ಲಿ ಬಿಡ್ ಮಾಡಿ, ನಿವೇಶನಗಳನ್ನು ಖರೀದಿಸಬಹುದಾಗಿದೆ.

ಇ-ಹರಾಜು ಪ್ರಕ್ರಿಯೆಯು ಒಟ್ಟು ಆರು ಹಂತದಲ್ಲಿ ನಡೆಯಲಿದ್ದು, ಪ್ರತಿ ಹಂತದಲ್ಲಿ 70 ನಿವೇಶನಗಳ ಬಿಡ್ಡಿಂಗ್ ಮುಕ್ತಾಯವಾಗಲಿದೆ. ಇ-ಹರಾಜು ದಿನಾಂಕ 09.09.2020 ರಂದು ಪ್ರಾರಂಭವಾಗಲಿದ್ದು, ದಿನಾಂಕ 03.10.2020 ರಂದು ಅಂತಿಮವಾಗಿ ಬಿಡ್ಡಿಂಗ್ ಮುಕ್ತಾಯಗೊಳ್ಳಲಿದೆ.

ಹರಾಜಿಗಿರುವ ಎಲ್ಲಾ ನಿವೇಶನಗಳಿಗೂ ಜಿಯೋ ಮ್ಯಾಪಿಂಗ್ ಅಳವಡಿಸಿ ಪ್ರಾಧಿಕಾರದ ವೆಬ್ಸೈಟ್​ನಲ್ಲಿ ಪ್ರಕಟಿಸಲಾಗಿದೆ. ಬಿಡ್​ದಾರರು ಜಗತ್ತಿನ ಯಾವುದೇ ಮೂಲೆಯಲ್ಲಿ ಕುಳಿತು ನಿವೇಶನಗಳನ್ನು ವೀಕ್ಷಿಸಬಹುದಾಗಿದೆ. ಇ-ಹರಾಜು ಬಿಡ್ಡಿಂಗ್ 6 ಹಂತದಲ್ಲಿ ಪೂರ್ಣಗೊಳ್ಳಲಿದೆ.

ವೇಳಾಪಟ್ಟಿ

ನೋಟಿಫಿಕೇಶನ್ ಅನುಸಾರ ವೇಳಾಪಟ್ಟಿ

ಮೊದಲನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 1 ರಿಂದ 70 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 09.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 25.09.2020

ಎರಡನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 71 ರಿಂದ 140 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 10.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 28.09.2020.

ಮೂರನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 141 ರಿಂದ 210 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 11.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 29.09.2020.

ನಾಲ್ಕನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 211 ರಿಂದ 280 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 12.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 30.09.2020.

ಐದನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 281 ರಿಂದ 350 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 14.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 01.10.2020.

ಆರನೇ ಹಂತದಲ್ಲಿ ಅಧಿಸೂಚನೆಯ ಕ್ರಮ ಸಂಖ್ಯೆ 351 ರಿಂದ 402 ರವರೆಗೆ ಬಿಡ್​ನ ಪ್ರಾರಂಭ ದಿನಾಂಕ 15.09.2020, ಬಿಡ್ ಮಾಡಲು ಕೊನೆಯ ದಿನಾಂಕ 03.10.2020.