ಬೆಂಗಳೂರು: ಡಿ.ಜಿ.ಹಳ್ಳಿ ಗಲಭೆ ಕೇಸ್ ಪ್ರಕರಣದಲ್ಲಿ ಬಂಧಿತ ಮತ್ತು ಉಗ್ರ ಸಂಘಟನೆಗಳೊಂದಿಗೆ ನಂಟಿನ ಶಂಕೆ ಹೊಂದಿರುವ ಆರೋಪದಡಿ ಸಯ್ಯದ್ ಸಮೀವುದ್ದೀನ್ನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಆರೋಪಿಯನ್ನು ವಿಚಾರಣೆಗೊಳಪಡಿಸಿದ್ದಾರೆ. ಗಲಭೆಗೂ ಮುನ್ನ 40 ಮಂದಿ ಜೊತೆ ನಿರಂತರ ಸಂಪರ್ಕ ಹೊಂದಿದ್ದ ಎಂಬ ಮಾಹಿತಿ ಬೆಳಕಿಗೆ ಬಂದಿದೆ. ಆದರೆ ನನ್ನ ಗಂಡನನ್ನು ಬಂಧಿಸಿರುವ ಮಾಹಿತಿ ಪೊಲೀಸರು ನನಗೆ ಇದುವರೆಗೂ ಕೊಟ್ಟೇ ಇಲ್ಲ ಎಂದು ಸಯ್ಯದ್ ಸಮೀವುದ್ದೀನ್ ಪತ್ನಿ ಆರೋಪಿಸಿದ್ದಾರೆ.
ಬಂಧಿಸಿದ ಮಾಹಿತಿ ಪೊಲೀಸರು ಕೊಟ್ಟೆ ಇಲ್ಲ ಎಂದ ಪತ್ನಿ ಸಯ್ಯದ್ ಪತ್ನಿ ಫಾತಿಮಾ ತಬಸೂಮ್ ಸುದ್ದಿಗೋಷ್ಠಿ ನಡೆಸಿ, 2006ರ ನವೆಂಬರ್ 21 ರಂದು ನಾರಿ ಪೌಂಡೇಷನ್ ಆರಂಭವಾಯಿತು. ಫೌಂಡೇಷನ್ ಅಡಿ ಮಹಿಳೆ ಮತ್ತು ಮಕ್ಕಳ ಸಂಬಂಧಿತ ಸಾಮಾಜಿಕ ಚಟುವಟಿಕೆಗಳನ್ನು ಮಾಡ್ತಿದ್ದೇವೆ. ಮಕ್ಕಳ ವಿದ್ಯಾಭ್ಯಾಸ ಕುರಿತಾದ ಕಾರ್ಯಚಟುವಟಿಕೆಗಳನ್ನು ನಡೆಸುತ್ತಿದ್ದೇವೆ. ನಮ್ಮ ನಾರಿ ರಿಜಿಸ್ಟ್ರೇಷನ್ ಆಗಿಲ್ಲ. ಹಾಗಾಗಿ ವಿದೇಶಗಳಿಂದ ಯಾವುದೇ ದೇಣಿಗೆ ಬರ್ತಿಲ್ಲ. ರಾಜ್ಯ ಸರ್ಕಾರದಿಂದಲೂ ದೇಣಿಗೆ ತೆಗೆದುಕೊಂಡಿಲ್ಲ. ನನ್ನ ಕುಟುಂಬದ ಸದಸ್ಯರೇ ಈ ಎಲ್ಲ ಹೆಲ್ತ್ ಕ್ಯಾಂಪ್ಗಳಿಗೆ ತಗಲುವ ವೆಚ್ಚ ಭರಿಸುತ್ತಿದ್ದೇವೆ ಎಂದು ಸ್ಪಷ್ಟಪಡಿಸಿದರು.
ಗಂಡ ಸಮೀವುದ್ದೀನ್ಗೂ ನಾರೀ ಪೌಂಡೇಷನ್ಗೂ ಯಾವುದೇ ಸಂಬಂಧವಿಲ್ಲ. ನಾರಿ ಫೌಂಡೇಷನ್ನಲ್ಲಿ ವಾಲೆಂಟಿಯರ್ ಆಗಿ ಕೆಲಸ ಮಾಡುತ್ತಿರಲಿಲ್ಲ. ನಾರಿ ಫೌಂಡೇಷನ್ ಹಣ ಮಾಡುವ ಉದ್ದೇಶದಿಂದ ಮಾಡಿದ್ದಲ್ಲ. ಸೇವಾ ಮನೋಭಾವದಿಂದ ಕೆಲಸ ಮಾಡ್ತಿದ್ದೇವೆ ಎಂದು ವಿವರಿಸಿದರು.
ಸಯ್ಯದ್ ಸಮಿಯುದ್ದೀನ್ ಮಿಸ್ ಆಗಿದ್ದಾರೆ. ಈ ಬಗ್ಗೆ ನಗರ ಪೊಲೀಸ್ ಆಯುಕ್ತರಿಗೆ ದೂರು ನೀಡಿದ್ದೇನೆ. ಸಿಸಿಬಿ ಕರೆದಾಗ ಹೋದವರು ವಾಪಸ್ ಬಂದಿಲ್ಲ. ಎರಡು ವರ್ಷಗಳ ಹಿಂದೆ ಸಯ್ಯದ್ ಸಮೀವುದ್ದೀನ್ ನಾನು ಮದುವೆಯಾಗಿ ಹೆಚ್ಬಿಆರ್ ಲೇಔಟ್ನಲ್ಲಿ ವಾಸವಾಗಿದ್ದೆವು. ಫೋನ್ ಮಾಡಿದರೆ ಅವರ ಮೊಬೈಲ್ ನಂಬರ್ ಸ್ವಿಚ್ಡ್ ಆಫ್ ಆಗಿದೆ. ಸಿಸಿಬಿಯವರು ಇಲ್ಲಿ ತನಕ ಯಾವುದೇ ಮಾಹಿತಿ ನೀಡಿಲ್ಲ. ಹಾಗಾಗಿ ಹೈಕೋರ್ಟ್ಗೂ ಹೆಬಿಯಸ್ ಕಾರ್ಪಸ್ ಅರ್ಜಿ ಹಾಕಿದ್ದೇವೆ ಎಂದರು.
ಸಮೀವುದ್ದಿನ್ ಸಿಸಿಬಿ ಪೊಲೀಸರು ಬಂಧನವಾಗುತ್ತಿದ್ದಂತೆ ಉಗ್ರ ಸಂಘಟನೆಗಳ ನಂಟು ಬೆಳಕಿಗೆ ಬಂದಿತ್ತು. ಈತನ ಪತ್ನಿ ನಾರಿ ಫೌಂಡೇಷನ್ ನಡೆಸುತ್ತಿದ್ದು, ಉಗ್ರ ಸಂಘಟನೆಗಳಿಗೆ ವಿದೇಶಗಳಿಂದ ಲಕ್ಷಾಂತರ ರೂಪಾಯಿ ಫಂಡಿಂಗ್ ಬಂದಿದೆ. ಇದೇ ಹಣವನ್ನು ಅಪರಾಧ ಕೃತ್ಯಗಳಿಗೆ ವಿನಿಯೋಗ ಮಾಡಿದ್ದ ಎಂಬ ಆಪಾದನೆಯೂ ಕೇಳಿಬಂದಿತ್ತು. ಈ ಸಂಬಂಧ ಫಾತಿಮಾ ಸ್ಪಷ್ಟನೆ ನೀಡಿದರು.
