ಸೋಂಕಿತ ಪೊಲೀಸರಿಗೆ ಆತ್ಮಸ್ಥೈರ್ಯ ತುಂಬಿದ ಡಿಸಿಪಿ ರೋಹಿಣಿ ಕಟೋಚ್

ವೆಬ್​ ಮೀಟಿಂಗ್ ನಡೆಸುವ ಮೂಲಕ‌ ಕೊರೊನಾ ಚಿಕಿತ್ಸಾ ಕೇಂದ್ರದಲ್ಲಿರುವ ಪೊಲೀಸರ ಆರೋಗ್ಯವನ್ನ ಡಿಸಿಪಿ ಡಾ.ರೋಹಿಣಿ ಕಟೋಚ್ ಸೆಪಟ್​ ವಿಚಾರಿಸಿ ಧೈರ್ಯ ತುಂಬಿದ್ದಾರೆ.

ಬೆಂಗಳೂರು:ಕೊರೊನಾ ವಾರಿಯರ್ಸ್​ಗಳಾಗಿ ಸೇವೆ ಸಲ್ಲಿಸುತ್ತಿದ್ದ ನಗರದ ದಕ್ಷಿಣ ವಿಭಾಗದ 40 ಪೊಲೀಸರಿಗೆ ಕೊರೊನಾ ದೃಢವಾಗಿದೆ. ಈ ಹಿನ್ನೆಲೆಯಲ್ಲಿ ಕೊರೊನಾ ಚಿಕಿತ್ಸಾ ಕೇಂದ್ರದಲ್ಲಿರುವ ಪೊಲೀಸರ ಆರೋಗ್ಯವನ್ನ ವೆಬ್​ ಮೀಟಿಂಗ್ ನಡೆಸುವ ಮೂಲಕ‌ ಡಿಸಿಪಿ ಡಾ.ರೋಹಿಣಿ ಕಟೋಚ್ ಸೆಪಟ್​ ಮಾಡಿದರು.

ತಮ್ಮ ಕಚೇರಿಯಿಂದಲೇ ವೆಬ್ ಮೀಟಿಂಗ್ ಮಾಡಿದ ಡಿಸಿಪಿ, ಕೊರೊನಾ ವೈರಸ್ ದಾಳಿಗೆ ಒಳಗಾಗಿ ಚಿಕಿತ್ಸೆ ಪಡೆಯುತ್ತಿರುವ ಸಿಬ್ಬಂದಿಗೆ‌ ಧೈರ್ಯ ತುಂಬಿದ್ದಾರೆ.

ಪೊಲೀಸರು ಚಿಕಿತ್ಸಾ ಕೇಂದ್ರದಲ್ಲಿ ಹೇಗಿದ್ದಾರೆ. ಅಲ್ಲಿ ಏನಾದರೂ ಸಮಸ್ಯೆಗಳು ಇವೆಯೇ. ಟ್ರೀಟ್​ಮೆಂಟ್ ಮುಗಿಸಿ ಬಂದವರು ಯಾವ ರೀತಿ ಧೈರ್ಯದಿಂದ ಕೆಲಸಕ್ಕೆ ಹಾಜರಾಗಬೇಕು. ಅಲ್ಲದೇ ಸದ್ಯ ಟ್ರೀಟ್​ಮೆಂಟ್​ನಲ್ಲಿರುವವರ ಕುಟುಂಬದವರಿಗೆ ಏನಾದರೂ ಸಮಸ್ಯೆಯಾಗ್ತಿದ್ಯಾ ಎಂಬುದರ ಬಗ್ಗೆ ವಿಚಾರಿಸಿಕೊಂಡರು.

ಡಿಸಿಪಿ ಅವರ ಈ ಕೆಲಸಕ್ಕೆ ಪೊಲೀಸ್ ಕಮೀಷನರ್ ಭಾಸ್ಕರ್ ರಾವ್ ಹಾಗೂ ಐಜಿಪಿ ಹೇಮಂತ್ ನಿಂಬಾಳ್ಕರ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.