ಗೆಸ್ಟ್ ಹೌಸ್​ನಲ್ಲಿ ಡಿಸಿಎಂ ಸಭೆ ... ಕಾಂಗ್ರೆಸ್ ಪ್ರಮುಖ ಸಚಿವರು ಭಾಗಿ

ಬೆಳಗಿನ ಉಪಹಾರ ಕೂಟದಲ್ಲಿ ಮಹತ್ವದ ಮಾತುಕತೆ ಬಳಿಕ, ಡಿಸಿಎಂ ಕಾಂಗ್ರೆಸ್​ನ ಇಬ್ಬರು ಪ್ರಮುಖ ಸಚಿವರ ಜೊತೆ ಗೆಸ್ಟ್ ಹೌಸ್​ನಲ್ಲಿ ಸಭೆ ನಡೆಸಿದ್ದಾರೆ.

ಬೆಂಗಳೂರು:ಸುಮಾರು ಒಂದು ಗಂಟೆಗಳ ಕಾಲ ಡಿಸಿಎಂ ಪರಮೇಶ್ವರ್ ಹಾಗೂ ಕಾಂಗ್ರೆಸ್​ನ ಪ್ರಮುಖ ಮುಖಂಡರು ನಗರದ ಕುಮಾರಕೃಪಾ ಗೆಸ್ಟ್ ಹೌಸ್​ನಲ್ಲಿ ಮಾತುಕತೆ ನಡೆಸಿದ್ದಾರೆ. ಬೆಳಗಿನ ಉಪಹಾರ ಸಭೆಯ ಬಳಿಕ ಕೆಕೆ ಗೆಸ್ಟ್ ಹೌಸ್​ಗೆ ಬಂದ ಡಿಸಿಎಂ, ಸಚಿವ ಎಂ.ಬಿ. ಪಾಟೀಲ್, ಕೃಷ್ಣಭೈರೇಗೌಡ ಜೊತೆ ಗಂಟೆಗೂ ಹೆಚ್ಚು ಕಾಲ ಸಭೆ ನಡೆಸಿದರು‌.

ಸರ್ಕಾರ ಉಳಿಸುವ ಕುರಿತು, ಸಾಮೂಹಿಕ ರಾಜೀನಾಮೆ ಹಾಗೂ ತಮ್ಮ ಸ್ಥಾನಗಳನ್ನು ಕಾಯ್ದುಕೊಳ್ಳುವ ಬಗ್ಗೆ ರಹಸ್ಯ ಮಾತುಕತೆಗಳು ನಡೆದಿವೆ ಎನ್ನಲಾಗಿದೆ.