ಮಾರ್ಷಲ್ ಗಸ್ತು ಪಡೆಯೊಂದಿಗೆ ಕೋವಿಶೀಲ್ಡ್ ದಾಸಪ್ಪ ಆಸ್ಪತ್ರೆಗೆ ಹಸ್ತಾಂತರ

ಕೋವಿಡ್​ ಲಸಿಕೆ ಕೋವಿಶೀಲ್ಡ್ ಅನ್ನು ರಾಜ್ಯಾದ್ಯಂತ ವಿತರಣೆ ಮಾಡಲಾಗ್ತಿದ್ದು, ಇಂದು ದಾಸಪ್ಪ ಆಸ್ಪತ್ರೆಗೆ ವ್ಯಾಕ್ಸಿನ್ ಹಸ್ತಾಂತರ ಮಾಡಲಾಯ್ತು.

ಬೆಂಗಳೂರು: ಕೋವಿಡ್ ವೈರಸ್​ಗೆ ಕಿಲ್ಲರ್ ಆಗಿರುವ ವ್ಯಾಕ್ಸಿನ್​ ಅನ್ನು ರಾಜ್ಯದ ಎಲ್ಲ‌ ಕಡೆಗೆ ರವಾನೆ ಮಾಡಲಾಗುತ್ತಿದ್ದು, ಇಂದು ಆನಂದರಾವ್ ವೃತ್ತದ ವ್ಯಾಕ್ಸಿನ್ ಉಗ್ರಾಣದಿಂದ ದಾಸಪ್ಪ ಆಸ್ಪತ್ರೆಗೆ ವ್ಯಾಕ್ಸಿನ್ ಹಸ್ತಾಂತರಿಸಲಾಯ್ತು.

ವ್ಯಾಕ್ಸಿನ್ ವ್ಯಾನ್ ಮುಂದೆ ಮಾರ್ಷಲ್ ಗಸ್ತು ಪಡೆಯ ಜೊತೆಗೆ ಹಿಂದೆ ಆ್ಯಂಬುಲೆನ್ಸ್​ನೊಂದಿಗೆ ಬಿಬಿಎಂಪಿಗೆ ಕೋವಿಶೀಲ್ಡ್ ವ್ಯಾಕ್ಸಿನ್ ಹಸ್ತಾಂತರ ಮಾಡಲಾಗಿದೆ. ಬಿಬಿಎಂಪಿಗೆ 1,05,000 ಕೋವಿಶೀಲ್ಡ್ ವ್ಯಾಕ್ಸಿನ್ ಆರೋಗ್ಯ ಇಲಾಖೆಯಿಂದ ಹಸ್ತಾಂತರ ಮಾಡಲಾಗಿದೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆ ಸೇರಿದಂತೆ ಹಲವು ಭಾಗಗಳಿಂದ ಆರೋಗ್ಯ ಸಿಬ್ಬಂದಿ ಆಗಮಿಸಿದ್ದು, ವ್ಯಾಕ್ಸಿನ್ ಹಸ್ತಾಂತರ ಪ್ರಕ್ರಿಯೆ ಮುಂದುವರೆದಿದೆ.

ಇದನ್ನೂ ಓದಿ:ಕೇಂದ್ರ ಸರಕಾರ ಉಚಿತ ಲಸಿಕೆ ನೀಡದಿದ್ದರೆ ನಾವೇ ನೀಡುತ್ತೇವೆ; ಸಿಎಂ ಕೇಜ್ರಿವಾಲ್​