ಕರುನಾಡಿಗೆ ಕಂಟಕವಾದ ಮುಂಬೈ ಟ್ರಾವೆಲ್​ ಹಿಸ್ಟರಿ!

ರಾಜ್ಯಕ್ಕೆ ಮಹಾರಾಷ್ಟ್ರದ ಮುಂಬೈನಿಂದ ಬಂದ 108 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ಕಂಡು ಬಂದಿದೆ. ಇದರಿಂದ ಈವರೆಗೆ ಗ್ರೀನ್​ ಝೋನ್​ನಲ್ಲಿದ್ದ ಜಿಲ್ಲೆಗಳಲ್ಲೂ ಕೊರೊನಾ ಕೇಸ್​ಗಳು ಪತ್ತೆಯಾಗಿವೆ.

ಬೆಂಗಳೂರು: ರಾಜ್ಯದಲ್ಲಿ ಮೊದಲು ಕೊರೊನಾ ವೈರಸ್​ ವಿದೇಶದಿಂದ ಬಂದವರಿಂದ ಹರಡುತ್ತಿತ್ತು. ಬಳಿಕ ಕೊರೊನಾ ನಿಯಂತ್ರಣದಲ್ಲಿದ್ದು, ಯಾವುದೇ ಆತಂಕ ಬೇಡವೆಂದು ಹೇಳುತ್ತಿದ್ದ ಆರೋಗ್ಯ ಇಲಾಖೆಗೆ ಶಾಕ್ ಕೊಟ್ಟಿದೆ. ದೆಹಲಿಯ ತಬ್ಲಿಘಿ, ಬೆಂಗಳೂರಿನ ಹೊಂಗಸಂದ್ರದ ಬಿಹಾರಿ ಕೂಲಿ, ಶಿವಾಜಿನಗರದ ಹೌಸ್ ಕೀಪರ್​ನಿಂದ ಕೊರೊನಾ ಸೋಂಕಿತರ ಸಂಖ್ಯೆ ದಿಢೀರ್ ಏರಿಕೆ ಆಗಿದೆ.

ಇದೀಗ ಮುಂಬೈ ಟ್ರಾವೆಲ್ ಹಿಸ್ಟರಿ ಇರುವವರೇ ರಾಜ್ಯಕ್ಕೆ ಕಂಟಕರಾಗಿದ್ದಾರೆ. ರಾಜ್ಯದಲ್ಲಿ ಮುಂಬೈನಿಂದ ಬಂದ 108 ಮಂದಿಯಲ್ಲಿ ಕೊರೊನಾ ಪಾಸಿಟಿವ್ ಕಂಡು ಬಂದಿದೆ.

ಜಿಲ್ಲಾವಾರು ಮುಂಬೈ ಟ್ರಾವೆಲ್​​ ಹಿಸ್ಟರಿ ಇಲ್ಲಿದೆ.....

• ಮಂಡ್ಯ- 48
• ಹಾಸನ- 26
• ಕಲಬುರಗಿ -13
• ಶಿವಮೊಗ್ಗ- 6
• ಧಾರವಾಡ- 3
• ಹಾವೇರಿ- 3
• ದಕ್ಷಿಣ ಕನ್ನಡ- 2
• ಬಾಗಲಕೋಟೆ- 1
• ಯಾದಗಿರಿ- 1
• ವಿಜಯಪುರ- 1
• ಉತ್ತರ ಕನ್ನಡ- 1
• ಬೆಳಗಾವಿ- 1
• ಬೀದರ್- ‌‌‌ 1
• ಉಡುಪಿ- 1

ಮುಂಬೈನಿಂದ ಬಂದಿರುವ ಕನ್ನಡಿಗರ ಜೊತೆ ಕೊರೊನಾ ವೈರಸ್ ಕೂಡ ರಾಜ್ಯಕ್ಕೆ ಬರ್ತಿದೆ. ರಾಜ್ಯದ 14 ಜಿಲ್ಲೆಗಳಿಗೆ ಮುಂಬೈ ಟ್ರಾವೆಲ್ ಹಿಸ್ಟರಿಯೇ ಕಾರಣವಾಗಿದ್ದು,‌ ಮಂಡ್ಯ, ಹಾಸನ, ಕಲಬುರಗಿ ಜಿಲ್ಲೆಗಳು ಬೆಚ್ಚಿಬಿದ್ದಿವೆ.