ಸಚಿವರ ಖಾತೆ ಹಂಚಿಕೆ ಪಟ್ಟಿಗೆ ಸಿಎಂ ಸಹಿ, ಯಾರಿಗೆ ಯಾವ ಖಾತೆ ಮಾಹಿತಿ ಇನ್ನೂ ನಿಗೂಢ?

ಸಚಿವರ ಖಾತೆ ಹಂಚಿಕೆಯ ಸವಾಲು ಎದಿರುಸುತ್ತಿರುವ ಸಿಎಂ ಬಿಎಸ್​ವೈ ಕೊಂಚ ನಿರಾಳರಾದಂತಿದೆ. ಇಂದು ಬೆಳಗ್ಗೆಯೇ ಕಳುಹಿಸಬೇಕಾಗಿದ್ದ ಸಚಿವರ ಪಟ್ಟಿಯನ್ನು ಸ್ವಲ್ಪ ಗೊಂದಲಗಳಿಂದಾಗಿ ಕಳುಹಿಸಿರಲಿಲ್ಲ. ಆದರೆ ಕೊನೆಗೂ ಎಲ್ಲವನ್ನೂ ಯೋಚಿಸಿ ಸಚಿವರ ಖಾತೆ ಹಂಚಿಕೆ ಪಟ್ಟಿಯನ್ನು ಬಿಎಸ್​ವೈ ರಾಜಭವನಕ್ಕೆ ರವಾನಿಸಿದ್ದಾರೆ.

ಬೆಂಗಳೂರು:ಕೊನೆಗೂ ನೂತನ ಸಚಿವರ ಖಾತೆ ಹಂಚಿಕೆ ಪಟ್ಟಿ ರಾಜಭವನಕ್ಕೆ ರವಾನೆಯಾಗಿದೆ. ‌ಗೃಹ ಕಚೇರಿ ಕೃಷ್ಣಾದಿಂದ ನೂತನ ಸಚಿವರ ಪಟ್ಟಿಯನ್ನು ಸಿಎಂ ರವಾನಿಸಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ನೂತನವಾಗಿ ಸಂಪುಟಕ್ಕೆ ಸೇರ್ಪಡೆಯಾದ 17 ಸಚಿವರಿಗೆ ಯಾವ ಖಾತೆ ಅನ್ನೋ ವಿವರವುಳ್ಳ ಪಟ್ಟಿಗೆ ಸಹಿ ಹಾಕಿದ ಸಿಎಂ, ಬಳಿಕ ರಾಜಭವನಕ್ಕೆ ಪಟ್ಟಿ ರವಾನೆ ಮಾಡಿದ್ದಾರೆ. ಸಂಜೆಗೆ ಪಟ್ಟಿ ಕಳಿಸುವ ಯೋಚನೆ ಮಾಡಿದ್ದ ಸಿಎಂ ಮತ್ತಷ್ಟು ಗೊಂದಲ ಆಗುತ್ತದೆ ಎನ್ನುವ ಕಾರಣಕ್ಕೆ ಈಗಲೇ ಪಟ್ಟಿ ರವಾನೆ ಮಾಡಿದ್ದಾರೆ ಎಂದು ತಿಳಿದುಬಂದಿದೆ.

ಗೃಹ ಕಚೇರಿ ಕೃಷ್ಣಾದಿಂದ, ಸಿಎಂ ಧವಳಗಿರಿ ನಿವಾಸಕ್ಕೆ ತೆರಳಿದ ಬೆನ್ನಲ್ಲೇ ಜಗದೀಶ್ ಶೆಟ್ಟರ್, ಗೋವಿಂದ ಕಾರಜೋಳ, ಬಸವರಾಜ ಬೊಮ್ಮಾಯಿ ಹಿಂಬಾಲಿಸಿದ್ದು, ಸಚಿವ ಸ್ಥಾನದ ಆಕಾಂಕ್ಷಿ ರಾಜುಗೌಡ ಸಿಎಂ ಜೊತೆ ಕಾರಲ್ಲೇ ತೆರಳಿದರು