ಬೆಂಗಳೂರು: ಬಹು ನಿರೀಕ್ಷಿತ ವೈಟ್ ಫೀಲ್ಡ್ ಹಾಗೂ ಕೆ ಆರ್ ಪುರ ನಡುವಿನ ಮೆಟ್ರೋ ಸಂಚಾರ ಮಾರ್ಗವನ್ನ ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟನೆ ಮಾಡುವ ಹಿನ್ನೆಲೆ ನಾಳೆ ಈ ಭಾಗದಲ್ಲಿ ಸುತ್ತಮುತ್ತಲಿನ ರಸ್ತೆಗಳಲ್ಲಿ ಸಂಚಾರ ವ್ಯವಸ್ಥೆಯಲ್ಲಿ ವ್ಯತ್ಯಯವಾಗಲಿದ್ದು, ಪರ್ಯಾಯ ಮಾರ್ಗ ಬಳಸುವಂತೆ ವಾಹನ ಸವಾರರಲ್ಲಿ ನಗರ ಸಂಚಾರ ಪೊಲೀಸರು ಮನವಿ ಮಾಡಿದ್ದಾರೆ.
ನಾಳೆ ಮಧ್ಯಾಹ್ನ 12 ಗಂಟೆಯಿಂದ 2.30 ರವರೆಗೆ ಸಾರ್ವಜನಿಕ ಸಂಚಾರ ನಿರ್ಬಂಧಿಸಲಾಗಿದೆ. ಹೂಡಿ-ವರ್ತೂರು ರಸ್ತೆ, ವರ್ತೂರು ಕೋಡಿಯಿಂದ ಸತ್ಯ ಸಾಯಿ ಆಶ್ರಮ, ಗ್ರಾಫೈಟ್ ಇಂಡಿಯಾಯಿಂದ ವೈದೇಹಿ ಆಸ್ಪತ್ರೆ ರಸ್ತೆ, ವೈದೇಹಿ ಆಸ್ಪತ್ರೆಯಿಂದ ಬಿಗ್‌ ಬಜಾರ್, ಜಂಕ್ಷನ್, ಹೋಪ್ ಫಾರಂ ಜಂಕ್ಷನ್‌ನಿಂದ ಚನ್ನಸಂದ್ರದಲ್ಲಿ ವಾಹನ ಸಂಚಾರವನ್ನ ನಿರ್ಬಂಧಿಸಲಾಗಿದೆ.
ನಿರ್ಬಂಧಿಸಿದ ರಸ್ತೆಗಳಿಗೆ ಪರ್ಯಾಯ ಮಾರ್ಗಗಳು : ವರ್ತೂರು ಕೋಡಿ- ಕುಂದಲಹಳ್ಳಿ ಬ್ರಿಡ್ಜ್ - ಹಳೇ ಏ‌ಪೋರ್ಟ್ ರಸ್ತೆ ಮೂಲಕ ತಲುಪುವುದು, ಚನ್ನಸಂದ್ರ ಸರ್ಕಲ್ನಿಂದ ನಾಗೊಂಡಹಳ್ಳಿ ಇಮ್ಮಡಿಹಳ್ಳಿ -ಹಗದೂರು ಮೂಲಕ ವರ್ತೂರು ಕೋಡಿ ಕಾಟಂನಲ್ಲೂರು ಕ್ರಾಸ್ನಿಂದ ಕನ್ನಮಂಗಲ ಗೇಟ್ -ಶಿಗೇಹಳ್ಳಿ ಗೇಟ್ - ಹೆಚ್‌ ಪಿ ಪೆಟ್ರೋಲ್ ಬಂಕ್‌, ಕಾಡುಗೋಡಿಗುಂಜೂರು- ವರ್ತೂರು - ವೈಟ್‌ಫೀಲ್ಡ್ - ಹೋಪ್ ಫಾರಂ ವೃತ್ತ - ಕಾಡುಗೋಡಿ - ಕಾಟಂನಲ್ಲೂರು ಕ್ರಾಸ್ ಕಡೆಗೆನಾಲಾ ರಸ್ತೆ ಮೂಲಕ ಚನ್ನಸಂದ್ರ ತಲುಪುವುದು, ಹೂಡಿ ವೃತ್ತದಿಂದ ಗಾಫೈಟ್ ರಸ್ತೆ - ಕುಂದಲಹಳ್ಳಿ ರಸ್ತೆ ತಲುಪುವುದು. ಹೂಡಿ ವೃತ್ತದಿಂದ ಅಯ್ಯಪ್ಪನಗರ - ಭಟರಹಳ್ಳಿ ಜಂಕ್ಷನ್ - ಮೇಡಹಳ್ಳಿ ಬ್ರೆಡ್ ಮೂಲಕ ಕಾಟಂನಲ್ಲೂರು ಮೂಲಕ ತಲುಪುವುದು.
ಇದನ್ನೂ ಓದಿ :ಬಾದಾಮಿಯಲ್ಲಿ ಸಿದ್ದರಾಮಯ್ಯ ಅದ್ಧೂರಿ ರೋಡ್ ಶೋ... ಬೃಹತ್ ಹಾರ ಹಾಕಿ ಸ್ವಾಗತಿಸಿದ ಬೆಂಬಲಿಗರು