ನಾನು ಕನ್ನಡಿಗನೇ; ಹುಟ್ಟಿದ್ದು ಇಲ್ಲೇ, ಸಾಯೋದು ಇಲ್ಲೇ: ಭಾಸ್ಕರ್ ರಾವ್​

ಭಾಸ್ಕರ್​ ರಾವ್​ ಅವರು ಬಿಜೆಪಿ ಪರ ಕೆಲಸ ಮಾಡುತ್ತಿದ್ದಾರೆ. ಅವರು ಆರ್​ಎಸ್​ಎಸ್​ ಸೇರಿಕೊಳ್ಳಲಿ ಅವರು ಕನ್ನಡದವರೂ ಅಲ್ಲಾ ಎಂಬ ಕನ್ನಡ ಸಂಘಟನೆಗಳ ಮುಖಂಡರ ಟೀಕೆಗಳಿಗೆ ನಗರ ಆಯುಕ್ತ ಭಾಸ್ಕರ್ ರಾವ್​ ಟಾಂಗ್​ ಕೊಟ್ಟಿದ್ದಾರೆ.

ಬೆಂಗಳೂರು: ನಾನು ಕನ್ನಡಿಗನೇ. ಇಲ್ಲೇ ಹುಟ್ಟಿದ್ದೇನೆ‌, ಇಲ್ಲೇ ನೌಕರಿ ಮಾಡುತ್ತೇನೆ ಮತ್ತುಇಲ್ಲೇ ಸಾಯುತ್ತೇನೆ ಎಂದು ನಗರ ಪೊಲೀಸ್​ ಆಯುಕ್ತ ಭಾಸ್ಕರ್​ ರಾವ್ ಸ್ಪಷ್ಟಪಡಿಸಿದ್ದಾರೆ.

ಗುರುವಾರ ಕನ್ನಡ ಪರ ಸಂಘಟನೆಗಳು ಕರೆ ನೀಡಿದ್ದ ಕರ್ನಾಟಕ ಬಂದ್​ಗೆ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಅವರು ಪ್ರತಿಭಟನೆಗೆ‌ ಅವಕಾಶ ನೀಡಿರಲಿಲ್ಲ. ಹಾಗಾಗಿ ಕನ್ನಡ ಪರ ಸಂಘಟನೆ ಕಾರ್ಯಕರ್ತರು, ಭಾಸ್ಕರ್​ ರಾವ್​ ಬಿಜೆಪಿ ಪರ ಕೆಲಸ ಮಾಡುತ್ತಿದ್ದಾರೆ. ಅವರು ಆರ್​ಎಸ್​ಎಸ್​ ಸೇರಿಕೊಳ್ಳಲಿ, ಅವರು ಕನ್ನಡದವರೂ ಅಲ್ಲವೆಂದು ಆಕ್ರೋಶ ಹೊರಹಾಕಿದ್ದರು.

ಈ ಕುರಿತು ಇಂದು ಪ್ರತಿಕ್ರಿಯಿಸಿರುವ ನಗರ ಪೊಲೀಸ್​ ಆಯುಕ್ತರು ಟಾಂಗ್ ಕೊಟ್ಟಿದ್ದಾರೆ. ನಾನಿರೋದು 1 ಕೋಟಿ 44 ಲಕ್ಷ ಜನ ಬೆಂಗಳೂರಿಗರ ರಕ್ಷಣೆಗೆ. ಕನ್ನಡ ಸಂಘಟನೆಗಳಿಂದ ನಾನು ಕನ್ನಡ ಕಲಿಯುವ ಅವಶ್ಯಕತೆಯಿಲ್ಲ ಎಂದು ಹೇಳಿದ್ದಾರೆ.