ಬಣ್ಣ ಎರಚುವ ಬದಲು ವರ್ಣರಂಜಿತ ಮಾಸ್ಕ್ ಧರಿಸಿ ಹೋಳಿ ಆಚರಿಸಿ: ಸಿಎಂ ಬಿಎಸ್​ವೈ

ನಾಡಿನ ಜನತೆಗೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಹೋಳಿ ಹಬ್ಬವನ್ನು ಸಾರ್ವಜನಿಕರು ಹೇಗೆ ಆಚರಿಸಬೇಕು ಎಂಬುದನ್ನು ಟ್ವೀಟ್​ ಮೂಲಕ ತಿಳಿಸಿದ್ದಾರೆ.

ಬೆಂಗಳೂರು: ಈ ಬಾರಿಯ ಹೋಳಿ ಹಬ್ಬವನ್ನು ಮನೆಯಲ್ಲೇ ಆಚರಿಸಿ. ಪರಸ್ಪರ ಬಣ್ಣ ಎರಚುವ ಬದಲು ವರ್ಣರಂಜಿತ ಮಾಸ್ಕ್ ಧರಿಸಿ ಎಂದು ನಾಡಿನ ಜನತೆಗೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಕರೆ ನೀಡಿದ್ದಾರೆ.

ಕೊರೊನಾದ ಈ ಸವಾಲಿನ ಸಂದರ್ಭಗಳಲ್ಲಿ ರೋಗ ಹರಡುವಿಕೆಯನ್ನು ನಿರ್ಲಕ್ಷಿಸಬೇಡಿ. ಯಾವುದೇ ಹಬ್ಬದ ಆಚರಣೆ ಕೊರೊನಾಗೆ ಹಬ್ಬವಾಗದಿರಲಿ. ಹಾಗಾಗಿ ಹೋಳಿ ಹಬ್ಬವನ್ನು ಕೂಡ ಸುರಕ್ಷಿತವಾಗಿ ಮನೆಯಲ್ಲೇ ಆಚರಿಸಿ. ವರ್ಣರಂಜಿತ ಮಾಸ್ಕ್ ಧರಿಸಿ. ಜೊತೆಗೆ ಸಾಮಾಜಿಕ ಅಂತರ ಮರೆಯಬೇಡಿ. ಸರ್ಕಾರದ ಮಾರ್ಗಸೂಚಿಗಳನ್ನು ತಪ್ಪದೇ ಪಾಲಿಸಿ ಎಂದು ಸಿಎಂ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: ಸಿಡಿ ಗಲಾಟೆ ನಡುವೆಯೇ ಬೆಳಗಾವಿಯತ್ತ ಕೆಪಿಸಿಸಿ ಅಧ್ಯಕ್ಷ ಡಿಕೆಶಿ!