ಚಂದ್ರಯಾನ 2 ಆರ್ಬಿಟರ್ ಸೆರೆ ಹಿಡಿದ ಚಂದ್ರನ ದಕ್ಷಿಣ ಧ್ರುವದ ಚಿತ್ರ ನೋಡಿ

ಚಂದ್ರಯಾನ 2 ಆರ್ಬಿಟರ್‌ನಲ್ಲಿ ಅಳವಡಿಸಿದ್ದ ಹೈ ರೆಸಲ್ಯೂಷನ್ ಕ್ಯಾಮೆರಾ (ಒಹೆಚ್ಆರ್‌ಸಿ) ಚಂದ್ರನ ದಕ್ಷಿಣ ಧ್ರುವದ ಚಿತ್ರವನ್ನು ಸೆರೆ ಹಿಡಿದು ಕಳುಹಿಸಿಕೊಟ್ಟಿದೆ.

ಬೆಂಗಳೂರು:ಚಂದ್ರಯಾನ-2 ನ ಆರ್ಬಿಟರ್‌ನಲ್ಲಿ ಅಳವಡಿಸಿರುವ ಹೈ ರೆಸಲ್ಯೂಷನ್ ಕ್ಯಾಮೆರಾ (ಒಹೆಚ್ಆರ್‌ಸಿ) ಚಂದ್ರನ ದಕ್ಷಿಣ ಧ್ರುವದ ಚಿತ್ರವನ್ನು ಸೆರೆ ಹಿಡಿದಿದೆ. ಚಂದ್ರನನ್ನು ಮೇಲ್ಮೈಯನ್ನು ಅಧ್ಯಯನ ಮಾಡುವುದಕ್ಕೆ ಈ ಫೊಟೋ ಸಹಕಾರ ನೀಡಲಿದೆ ಎಂದು ಇಸ್ರೋ ತಿಳಿಸಿದೆ.

ಚಂದ್ರನ ದಕ್ಷಿಣ ಧ್ರುವದಲ್ಲಿರುವ 14 ಕಿಲೋಮೀಟರ್ ಸುತ್ತಳತೆ ಹಾಗೂ 3 ಕಿಲೋಮೀಟರ್ ಆಳದ ಬೋಗುಸ್ಲಾವ್ಸ್ಕಿ ಹೆಸರಿನ ಕುಳಿಯನ್ನು ಚಿತ್ರದಲ್ಲಿ ಕಾಣುತ್ತಿದೆ.

ಜರ್ಮನಿಯ ಖಗೋಳಶಾಸ್ತ್ರಜ್ಞ ಪಲೋನ್ ಎಚ್ ಬೋಗುಸ್ಲಾವ್ಸ್ಕಿ ಹೆಸರಿನ ಕುಳಿ ಇದಾಗಿದೆ. ಜೊತೆಗೆ ಇತರೆ ಎರಡು ಸಣ್ಣ ಕುಳಿಗಳನ್ನು ಸೆರೆ ಹಿಡಿದಿದೆ. ಈ ಫೋಟೋ ಇಂದು ಬೆಳಗಿನ ಜಾವ ಸುಮಾರು 4 ಗಂಟೆಗೆ ಲಭ್ಯವಾಗಿದೆ ಎಂದು ಇಸ್ರೋ ಟ್ವಿಟರ್‌ನಲ್ಲಿ ಮಾಹಿತಿ ನೀಡಿದೆ.