ಬೆಂಗಳೂರು: ಕೊರೊನಾ ಸೋಂಕಿನ ನಂತರ ಅನಿವಾಸಿ ಭಾರತೀಯರಿಂದ ಅಪಾರ್ಟ್ಮೆಂಟ್, ಸೈಟ್ ಹಾಗೂ ಮನೆ ಖರೀದಿಗೆ ಆಸಕ್ತಿ ಹೆಚ್ಚಾಗುತ್ತಿದೆ ಎಂದು ಬೆಂಗಳೂರು ಕ್ರೆಡಾಯ್ ಘಟಕದ ಅಧ್ಯಕ್ಷ ಸುರೇಶ್ ಹರಿ ತಿಳಿಸಿದ್ದಾರೆ.
ಸ್ವಂತ ಊರಿನಲ್ಲಿ ಏನಾದರೂ ಹೂಡಿಕೆ ಮಾಡಿದರೆ ಭಾರತಕ್ಕೆ ಮರಳಿದ ಸಂದರ್ಭದಲ್ಲಿ ಒಂದು ನೆಲೆ ಹಾಗೂ ಸ್ಥಿರ ಆದಾಯ ಇದ್ದರೆ ಆರ್ಥಿಕವಾಗಿ ಸದೃಢವಾಗಬಹುದು ಎಂಬುದು ಎನ್ಆರ್ಐಗಳ ಯೋಜನೆ. ಇದಕ್ಕಾಗಿ ನಗರದಲ್ಲಿನ ಭೂಮಿ ಖರೀದಿಗೆ ಆಸಕ್ತಿ ವಹಿಸಿದ್ದಾರೆ ಎಂದಿದ್ದಾರೆ. ಆದರೆ ಇದೇ ಸಮಯವನ್ನು ದುರುಪಯೋಗ ಪಡಿಸಿಕೊಳ್ಳಲು ರಿಯಲ್ ಎಸ್ಟೇಟ್ ಹೆಸರಿನ ವಂಚಕರು ಕಾದಿರುತ್ತಾರೆ. ಆದ್ದರಿಂದ ಇಂತಹ ಸಮಯದಲ್ಲಿ ಪ್ರತಿಯೊಬ್ಬರು ಜಾಗೃತರಾಗಿರಬೇಕು ಎಂದಿದ್ದಾರೆ ಸುರೇಶ್ ಹರಿ.
ಎನ್ಆರ್ಐಗಳಿಗೆ ಬೆಂಗಳೂರು ಕ್ರೆಡಾಯ್ ಘಟಕದ ಅಧ್ಯಕ್ಷ ಸುರೇಶ್ ಹರಿ ಸಲಹೆ