ರಮಡ ಹೋಟೆಲ್ ನಲ್ಲಿ ಯಾವ ಪ್ರಭಾವಿ ಶಾಸಕರ ಪಾಲುದಾರಿಕೆಯೂ ಇಲ್ಲ : ಸಿಇಒ ಸ್ಪಷ್ಟನೆ

ಕೆಲವೊಂದು ಚಾನಲ್​​ಗಳು ರಮಡ ರೆಸಾರ್ಟ್ ನಲ್ಲಿ ಪ್ರಭಾವಿ ಶಾಸಕರ ಪಾಲುದಾರಿಕೆ ಇದೆ ಎಂದು ಪ್ರಸಾರ ಮಾಡುತ್ತಿದ್ದಾರೆ. ನಮ್ಮದು ಉದ್ಯಮಿ ಕುಟುಂಬ ನಮ್ಮ ವ್ಯವಹಾರಕ್ಕೆ ರಾಜಕೀಯದ ಲೇಪ ಬೇಡ ಎಂದು ರಮಡ ಹಾಗೂ ಸಾಯಿಲೀಲಾ ಹೋಟೆಲ್ ಸಿಇಒ ಮಹೇಶ್ ಮನವಿ ಮಾಡಿದ್ದಾರೆ.

ಬೆಂಗಳೂರು : ರಮಡ ರೆಸಾರ್ಟ್​​​ನಲ್ಲಿ ಯಲಹಂಕ ಶಾಸಕ ಎಸ್.ಆರ್.ವಿಶ್ವನಾಥ್ ಪಾಲುದಾರಿಕೆ ಹೊಂದಿದ್ದರೆ ಎನ್ನುವ ಊಹಾಪೋಹಕ್ಕೆ ಸ್ಪಸ್ಟೀಕರಣ ನೀಡಿರುವ ರಮಡ ಹಾಗೂ ಸಾಯಿಲೀಲಾ ಹೋಟೆಲ್ ಸಿಇಒ ಮಹೇಶ್ ಆರೋಪಕ್ಕೆ ತೆರೆ ಎಳೆದಿದ್ದಾರೆ.

ರೆಸಾರ್ಟ್​​ನಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಕೆಲವೊಂದು ಚಾನಲ್​​ಗಳು ರಮಡ ರೆಸಾರ್ಟ್​​ನಲ್ಲಿ ಪ್ರಭಾವಿ ಶಾಸಕರ ಪಾಲುದಾರಿಕೆ ಇದೆ ಎಂದು ಪ್ರಸಾರ ಮಾಡುತ್ತಿದ್ದಾರೆ. ನಮ್ಮದು ಉದ್ಯಮಿ ಕುಟುಂಬ ನಮ್ಮ ವ್ಯವಹಾರಕ್ಕೆ ರಾಜಕೀಯದ ಲೇಪ ಬೇಡ ಎಂದು ಮನವಿ ಮಾಡಿದರು. ಬಿಜೆಪಿಯವರು ನಮ್ಮ ರಮಡ 36 ಹಾಗೂ ಸಾಯಿಲೀಲಾದಲ್ಲಿ 22 ರೂಮ್​​ಗಳನ್ನ ಬುಕ್ ಮಾಡಿದ್ದಾರೆ.

ಪ್ರತಿ ರೂಮ್ ಗೆ 30 ರಿಂದ 40 ಸಾವಿರ ಎಂದು ಪ್ರಸಾರ ಮಾಡಲಾಗುತ್ತಿದೆ, ದಯವಿಟ್ಟು ಇಂತಹ ಊಹಾಪೋಹ ಸುದ್ದಿಗಳನ್ನು ಪ್ರಸಾರ ಮಾಡಬೇಡಿ. ರಮಡದಲ್ಲಿ 4 ಸಾವಿರದಿಂದ 6 ಸಾವಿರ ಹಾಗೂ 3,500 ರೂ.ಚಾರ್ಜ್ ಮಾಡುತ್ತಿದ್ದೇವೆ. ನಾವು ಉಪಾಹಾರ ವ್ಯವಸ್ಥೆ ಮಾಡಿದ್ದೇವೆ. ಎಲ್ಲ ಅಥಿತಿಗಳಂತೆ ಸಾಮಾನ್ಯವಾಗಿಯೇ ಸತ್ಕರಿಸುತ್ತಿದ್ದೇವೆ ಎಂದು ಸ್ಪಷ್ಟ ಪಡಿಸಿದರು.