ಅಕ್ರಮ ಚಟುವಟಿಕೆ ವಿರುದ್ಧ ಕಟ್ಟುನಿಟ್ಟಿನ ಕ್ರಮ: ಬೆಂಗಳೂರಲ್ಲಿ ಬಾರ್ ಮೇಲೆ‌ ಸಿಸಿಬಿ ದಾಳಿ‌

ಅಕ್ರಮ ಅವ್ಯಹಾರ ಹತೋಟಿಗೆ ಪಣ ತೊಟ್ಟಿರುವ ಸಿಸಿಬಿ ಪೊಲೀಸರು ಮತ್ತೆ ಬಾರ್ ಮತ್ತು ಪಬ್ ದಾಳಿಯನ್ನು ಮುಂದುವರೆಸಿದ್ದಾರೆ. ಮೆಜೆಸ್ಟಿಕ್ ನಲ್ಲಿರುವ ಬಾರ್ ಮೇಲೆ ದಾಳಿ ನಡೆಸಿ ವಿಚಾರಣೆ ನಡೆಸಿದ್ದಾರೆ.

ಬೆಂಗಳೂರು: ನಗರದಲ್ಲಿ ಮತ್ತೆ ಸಿಸಿಬಿ ಪೊಲೀಸರು ಕಾರ್ಯಾಚರಣೆಗಿಳಿದಿದ್ದು, ಮೆಜಿಸ್ಟಿಕ್​ನಲ್ಲಿರುವ ಬಾರ್​ವೊಂದರ ಮೇಲೆ ದಾಳಿ ಮಾಡಿದ್ದಾರೆ.

ನಿನ್ನೆ ಬಾರ್​ನಲ್ಲಿ ಮೊಜು ಮಸ್ತಿ ಮೂಡಿನಲ್ಲಿದ್ದ ಯುವಕ- ಯುವತಿಯರಿಗೆ ಶಾಕ್​ ಕಾದಿತ್ತು. ನಗರದ ಮೆಜೆಸ್ಟಿಕ್​ನಲ್ಲಿರುವ ಬಾರ್​ ಮೇಲೆ‌ ಸಿಸಿಬಿ ಅಧಿಕಾರಿಗಳು ದಾಳಿ‌ ನಡೆಸಿದ್ದಾರೆ. ಅಕ್ರಮ ಚಟುವಟಿಕೆಗಳು ನಡೆಯುತ್ತಿರುವ ಮಾಹಿತಿ ಮೇರೆಗೆ ಹೆಚ್ಚುವರಿ ಆಯುಕ್ತ ಸಂದೀಪ್ ಪಾಟೀಲ್ ಹಾಗೂ ಡಿಸಿಪಿ ರವಿ ನೆತೃತ್ವದ ತಂಡ ರಾತ್ರಿ ದಾಳಿ ನಡೆಸಿ, ಬಾರ್​ನಲ್ಲಿದ್ದ 68 ಯುವತಿಯರನ್ನು ರಕ್ಷಿಸಿ, 14 ಗ್ರಾಹಕರು ಹಾಗೂ 20 ಜನ ಸಿಬ್ಬಂದಿಯನ್ನು ಬಂಧಿಸಿದ್ದಾರೆ. ಸುಮಾರು 65,770 ನಗದು ವಶಪಡಿಸಿಕೊಂಡಿದ್ದು, ತನಿಖೆಯನ್ನು ಮುಂದುವರೆಸಿದ್ದಾರೆ.