ಫೆ. 28ರಂದು ನಿಗದಿಯಾಗಿರುವ ಎಫ್​​ಡಿಎ ಪರೀಕ್ಷೆ ಮೇಲೆ ಸಿಸಿಬಿ ಹದ್ದಿನ ಕಣ್ಣು!

ಎಫ್​​ಡಿಎ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಲೀಕ್ ಮಾಡಿದ್ದ ಆರೋಪದ ಮೇಲೆ 14 ಜನರನ್ನು ಸಿಸಿಬಿ ಈಗಾಗಲೇ ಬಂಧಿಸಿದೆ. ಈಗ ಇದೇ ತಿಂಗಳು 28ಕ್ಕೆ ಮತ್ತೆ ಪರೀಕ್ಷೆ ನಡೆಸಲಾಗುತ್ತಿದೆ. ಈ ಹಿನ್ನೆಲೆ ಪ್ರಶ್ನೆ ಪತ್ರಿಕೆ ಪ್ರಿಂಟಿಂಗ್​ನಿಂದ ಹಿಡಿದು ಪರೀಕ್ಷಾ ಸ್ಥಳ ತಲುಪುವವರೆಗೂ ಸಿಸಿಬಿ ನಿಗಾ ವಹಿಸಲಿದೆ.

ಬೆಂಗಳೂರು: ಇದೇ ಫೆಬ್ರವರಿ 28ಕ್ಕೆ ನಿಗದಿಯಾಗಿರುವ ಎಫ್​​ಡಿಎ ಪರೀಕ್ಷೆ ಮೇಲೆ ಸಿಸಿಬಿ ಹದ್ದಿನ ಕಣ್ಣಿಟ್ಟಿದೆ.

ಈ ಹಿಂದೆ ನಿಗದಿಯಾಗಿದ್ದ ಎಫ್​ಡಿಎ ಪರೀಕ್ಷೆ ಪ್ರಶ್ನೆ ಪತ್ರಿಕೆ ಲೀಕ್ ಮಾಡಿದ್ದ ಆರೋಪದ ಮೇಲೆ 14 ಜನರನ್ನು ಸಿಸಿಬಿ ಈಗಾಗಲೇ ಬಂಧಿಸಿದೆ. ಈಗ ಇದೇ ತಿಂಗಳು 28ರಂದು ಮತ್ತೆ ಪರೀಕ್ಷೆ ನಡೆಸಲಾಗುತ್ತಿದೆ. ಮುನ್ನೆಚ್ಚರಿಕಾ ಕ್ರಮವಾಗಿ ಪ್ರಶ್ನೆ ಪತ್ರಿಕೆ ಪ್ರಿಂಟಿಂಗ್​ನಿಂದ ಹಿಡಿದು ಪರೀಕ್ಷಾ ಸ್ಥಳ ತಲುಪುವವರೆಗೂ ಸಿಸಿಬಿ ನಿಗಾ ವಹಿಸಲಿದೆ.

ಓದಿ:ಸಿದ್ದು ನಿವಾಸದಲ್ಲಿ ಸಭೆ: ಪರಿಷತ್ ಸಭಾಪತಿ ಸ್ಥಾನಕ್ಕೆ ಅಭ್ಯರ್ಥಿ ಕಣಕ್ಕಿಳಿಸಲು ತೀರ್ಮಾನ?

ಕೆಪಿಎಸ್​ಸಿ ಅಧಿಕಾರಿಗಳ ಜೊತೆ ಸಿಸಿಬಿ ಪೊಲೀಸರಿಂದಲೂ ಮೇಲ್ವಿಚಾರಣೆ ನಡೆಯಲಿದೆ. ಎಸಿಪಿ ವೇಣುಗೋಪಾಲ್ ನೇತೃತ್ವದ ವಿಶೇಷ ತಂಡದಿಂದ ಎಫ್​​ಡಿಎ ಪರೀಕ್ಷೆ ಮೇಲೆ ಹದ್ದಿನ ಕಣ್ಣು ಇಡಲಾಗುತ್ತದೆ.