ಬೆಂಗಳೂರಲ್ಲಿ ಜನಮನ ಸೆಳೆದ ಕ್ಯಾಟ್ ಶೋ... ಬೆಕ್ಕುಗಳಿಗೆ ಬೆಡ್ಡು, ಫುಡ್​ ಖರೀದಿ ಜೋರು

ಕ್ಯಾಟ್ ಪ್ರಿಯರಿಗಾಗಿ ಇಂದು ಬೆಂಗಳೂರಿನ ಕಮರ್ಷಿಯಲ್ ಸ್ಟ್ರೀಟ್ ಬಳಿ ಖಾಸಗಿ ಹೊಟೇಲ್​ನಲ್ಲಿ ಫಿಲೈನ್ ಕ್ಲಬ್ ಆಫ್ ಇಂಡಿಯಾ ವತಿಯಿಂದ ಕ್ಯಾಟ್ ಶೋ ನಡೆಯಿತು.

ಬೆಂಗಳೂರು: ಕ್ಯಾಟ್ ಪ್ರಿಯರಿಗಾಗಿ ಇಂದು ನಗರದ ಕಮರ್ಷಿಯಲ್ ಸ್ಟ್ರೀಟ್ ಬಳಿಯ ಖಾಸಗಿ ಹೊಟೇಲ್​ನಲ್ಲಿ ಫಿಲೈನ್ ಕ್ಲಬ್ ಆಫ್ ಇಂಡಿಯಾ ವತಿಯಿಂದ ಕ್ಯಾಟ್ ಶೋ ಏರ್ಪಡಿಸಲಾಗಿತ್ತು. ಈ ಕ್ಯಾಟ್ ಶೋನಲ್ಲಿ ದೇಶ- ವಿದೇಶಗಳ ಕ್ಯಾಟ್​ಗಳು ಜನರ ಗಮನ ಸೆಳೆದವು.

ಈ ಕ್ಯಾಟ್ ಶೋಗೆ ವಿವಿಧ ತಳಿಗಳ ಬೆಕ್ಕುಗಳನ್ನು ಬೆಕ್ಕಿನ ಪ್ರಿಯರು ಕರೆತಂದಿದ್ದರು. ಉದ್ದ ಕೂದಲಿನ, ಚಿರತೆ ಮೈ ಬಣ್ಣದ ಬೆಕ್ಕುಗಳು ಬೆಕ್ಕಿನ ಪ್ರಿಯರ ಗಮನ ಸೆಳೆದವು. ಇನ್ನು ಈ ಕ್ಯಾಟ್ ಶೋಗೆ ಸುಮಾರು 150ಕ್ಕೂ ಹೆಚ್ಚಿನ ತಳಿಯ ಬೆಕ್ಕುಗಳು ಬಂದಿದ್ದು ವಿಶೇಷವಾಗಿತ್ತು. ಇಂದು ಭಾನುವಾರ ಆಗಿದ್ದರಿಂದ ಬೆಕ್ಕು ಪ್ರಿಯರು ತಮ್ಮ ಮಕ್ಕಳನ್ನು ಕರೆದುಕೊಂಡು ಬಂದು ಕ್ಯಾಟ್ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತ ವೀಕೆಂಡ್​ನಲ್ಲಿ ಎಂಜಾಯ್ ಮಾಡಿದ್ರು.

ಅಲ್ಲದೇ ಕ್ಯಾಟ್ ಶೋನಲ್ಲಿ ಬೆಕ್ಕಿನ ಆಹಾರ, ಬೆಡ್​ಗಳು ಹಾಗೂ ಮೆಡಿಷನ್ ಶಾಪ್​ಗಳು ಕೂಡ ಇದ್ದವು. ಬೆಕ್ಕನ್ನು ಸಾಕಿದ್ದವರು ಪ್ರೀತಿಯ ಕ್ಯಾಟ್​ಗಳಿಗೆ ಬೇಕಾದ ಬೆಡ್ ಹಾಗೂ ಫುಡ್​ಗಳನ್ನು ಭರ್ಜರಿಯಾಗಿ ಖರೀದಿಸಿದರು.