ಟೋಲ್ ತಪ್ಪಿಸಲು ಅನ್ಯಮಾರ್ಗದಲ್ಲಿ ಹೋಗಿ ಅಪಘಾತಕ್ಕೆ ತುತ್ತಾದ ಕ್ಯಾಬ್.. ಚಾಲಕ - ಯುವತಿ ಸೇಫ್​

ಟೋಲ್ ಶುಲ್ಕ ತಪ್ಪಿಸಲು ಹೋಗಿ ರಸ್ತೆ ಬದಿಯ ತಡೆಗೋಡೆಗೆ ಗುದ್ದಿ ಕ್ಯಾಬ್ ಪಲ್ಟಿಯಾಗಿರುವ ಘಟನೆ ಚಿಕ್ಕಜಾಲ ಸಂಚಾರ ಪೊಲೀಸ್ ಠಾಣೆಯಲ್ಲಿ ನಡೆದಿದೆ.

ಬೆಂಗಳೂರು: ಟೋಲ್​​ನಿಂದ ತಪ್ಪಿಸಿಕೊಳ್ಳಲು ಕ್ಯಾಬ್ ಚಾಲಕ ಪರ್ಯಾಯ ಮಾರ್ಗದಲ್ಲಿ ವೇಗವಾಗಿ ಚಲಿಸಿ ಪಲ್ಟಿ ಹೊಡೆದಿರುವ ಘಟನೆ ಚಿಕ್ಕಜಾಲ ಸಂಚಾರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ‌.

ಇಂದು ಮುಂಜಾನೆ ಈ ದುರ್ಘಟನೆ ನಡೆದಿದೆ‌. ಯಮುನಾ ಎಂಬುವರು ಏರ್ ಪೋರ್ಟ್​ಗೆ ತೆರಳಲು ಕ್ಯಾಬ್ ಬುಕ್ ಮಾಡಿದ್ದರು‌. ಇದರಂತೆ ಚಾಲಕ ಯುವತಿಯನ್ನು ಪಿಕಪ್ ಮಾಡಿಕೊಂಡು ಏರ್​ಪೋರ್ಟ್​ ಕಡೆ ಹೋಗುತ್ತಿದ್ದ. ಈ ಮಧ್ಯೆ ಟೋಲ್ ಶುಲ್ಕ ತಪ್ಪಿಸಲು ದೊಡ್ಡಜಾಲ ಗ್ರಾಮದ ಬಳಿ ವೇಗವಾಗಿ ಬರುವಾಗ ಕತ್ತಲಿನಲ್ಲಿ ರಸ್ತೆ ಬದಿಯಲ್ಲಿರುವ ತಡೆಗೋಡೆಗೆ ಗುದ್ದಿ ಪಲ್ಟಿ ಹೊಡೆದು ಕ್ಯಾಬ್ ಚರಂಡಿಗೆ ಬಿದ್ದಿದೆ. ಅದೃಷ್ಟವಶಾತ್ ಇಬ್ಬರಿಗೂ ಸಣ್ಣಪುಟ್ಟ ಗಾಯವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಓದಿ:ಬೊಲೆರೊ ವಾಹನಕ್ಕೆ ಕೆಎಸ್​ಆರ್​ಟಿಸಿ ಬಸ್​ ಡಿಕ್ಕಿ: ಓರ್ವ ಸಾವು, 7 ಮಂದಿಗೆ ಗಾಯ