ಕೆ.ಆರ್‌.ಪುರ: ಐಟಿ ಕಂಪನಿಗಳ ಕೆಲಸ ನಿರಾತಂಕ, ವ್ಯಾಪಾರಕ್ಕಿಲ್ಲ ಅಡೆತಡೆ

ಬೆಂಗಳೂರಿನ ಹೊರವಲಯದ ಕೃಷ್ಣರಾಜಪುರ ಮತ್ತು ಐಟಿಬಿಟಿ ಕ್ಷೇತ್ರದ ವ್ಯಾಪ್ತಿಯಲ್ಲಿ ಸದ್ಯಕ್ಕೆ ಬಂದ್ ಬಿಸಿ ತಟ್ಟಿಲ್ಲ. ಮುಂಜಾನೆಯಿಂದ ಎಂದಿನಂತೆ ವ್ಯಾಪಾರ ವಹಿವಾಟು ನಡೆಯುತ್ತಿದೆ. ಬಿಎಂಟಿಸಿ, ಕೆಎಸ್​​​ಆರ್​​ಟಿಸಿ ಬಸ್​​ಗಳು ಹಾಗೂ ಆಟೋ- ಟ್ಯಾಕ್ಸಿಗಳ ಸಂಚಾರ ಕಾಣುತ್ತಿದೆ.

ಕೆಆರ್​ಪುರ: ಐಟಿಬಿಟಿ ಕ್ಷೇತ್ರ ಮಹದೇವಪುರ ಮತ್ತು ಕೆ.ಆರ್.​​ಪುರದಲ್ಲಿ ಎಂದಿನಂತೆ ವ್ಯಾಪಾರ ವಹಿವಾಟು ನಡೆಯುತ್ತಿದ್ದು ಬಂದ್ ಬಿಸಿ ಕಾಣುತ್ತಿಲ್ಲ.

ಈ ಭಾಗದಲ್ಲಿ ಐಟಿ ಕಂಪನಿಗಳು ಎಂದಿನಂತೆ ಕಾರ್ಯ ನಿರ್ವಸುತ್ತಿವೆ. ವಾಹನ ಸಂಚಾರ ಮಾಮೂಲಾಗಿ ಕಂಡು ಬರುತ್ತಿದೆ. ಕೆ.ಆರ್.​ಪುರದ ಸುತ್ತಮುತ್ತಲಿನ ಯಾವುದೇ ಸಂಘಟನೆಗಳು ಬಂದ್​​ಗೆ ಬೆಂಬಲ ನೀಡಿಲ್ಲ. ಪೊಲೀಸರು ಇಲ್ಲಿನ ಬಿಬಿಎಂಪಿ ಕಚೇರಿ ಮುಂಭಾಗ ಮತ್ತು ಟಿನ್ ಫ್ಯಾಕ್ಟರಿ ಬಳಿ ಬ್ಯಾರಿಕೇಡ್​ ಹಾಕಿದ್ದು ಭದ್ರತೆಗೆ ವ್ಯವಸ್ಥೆ ಮಾಡಿದ್ದಾರೆ.