ಬೆಂಗಳೂರು: ಕಾಂಗ್ರೆಸ್ ತಾನು ನೀಡಿದ ಭರವಸೆಗಳ ಪೈಕಿ ಒಂದನ್ನಾದರೂ ಸರಿಯಾಗಿ ಜಾರಿ ಮಾಡಿದೆಯೇ? ಎಂದು ಬಿಜೆಪಿ ಕೇಳಿದೆ. ಈ ಕುರಿತು ಟ್ವೀಟ್ ಮಾಡಿದ್ದು, 165 ರಲ್ಲಿ 158 ಭರವಸೆ ಈಡೇರಿಸಿದ್ದೇವೆ ಎಂದು ಕಾಂಗ್ರೆಸ್ ಹೇಳುತ್ತಿದೆ. ಇದು ಶತಮಾನದ ಸುಳ್ಳು. ಅಸಲಿಗೆ ಕಾಂಗ್ರೆಸ್ 173 ಭರವಸೆ ನೀಡಿತ್ತು. ಕಾಂಗ್ರೆಸ್ ಇಲ್ಲೂ ಸುಳ್ಳು ಹೇಳುತ್ತಿದೆ. 173 ಭರವಸೆಗಳಲ್ಲಿ ಈಡೇರಿಸಿದ್ದು ಕೇವಲ 67 ಮಾತ್ರ ಎಂದು ಟೀಕಾಸ್ತ್ರ ಪ್ರಯೋಗಿಸಿದೆ.
2013 ರಲ್ಲಿ ನೀಡಲಾದ ಭರವಸೆಗಳಲ್ಲಿ 95% ರಷ್ಟನ್ನು ಕಾಂಗ್ರೆಸ್ ಈಡೇರಿಸಿದೆ ಎನ್ನುವುದೇ ಒಂದು ದೊಡ್ಡ ಸುಳ್ಳು. ಪ್ರಣಾಳಿಕೆಯಲ್ಲಿದ್ದ ಮೊತ್ತ ಮೊದಲ ಭರವಸೆಯೇ ಜಾರಿಯಾಗಿಲ್ಲ. ಘೋಷಿಸಿರುವ ಎಲ್ಲಾ ಅಂಶಗಳ ಜಾರಿ ಹಾಗೂ ಮೇಲುಸ್ತುವಾರಿಗೆ ಸಮಿತಿ ರಚಿಸುತ್ತೇವೆ ಎಂದು ಹೇಳಿ ಅದರಿಂದ ನುಣುಚಿಕೊಂಡಿತ್ತು. 2013 ರಲ್ಲಿ ಕಾಂಗ್ರೆಸ್ ಕೃಷಿ ಪಂಪ್‌ಸೆಟ್‌ ಮತ್ತು ಗೃಹ ಬಳಕೆಗೆ 24 ಗಂಟೆ ವಿದ್ಯುತ್‌ ಪೂರೈಸುವ ಭರವಸೆ ನೀಡಿತ್ತು. ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ ಅವರು ಪ್ರಣಾಳಿಕೆಯಲ್ಲಿ ನೀಡಿದ್ದ ಅಷ್ಟೂ ಭರವಸೆಗಳನ್ನು ಈಡೇರಿಸಿದ್ದಾಗಿ ಭಾಷಣ ಮಾಡುತ್ತಾರೆ. ಕಾಂಗ್ರೆಸ್ ನೀಡಿದ ಭರವಸೆಗಳ ಪೈಕಿ ಒಂದನ್ನಾದರೂ ಸರಿಯಾಗಿ ಜಾರಿ ಮಾಡಿದೆಯೇ ಅನ್ನೋದು ಬಿಜೆಪಿ ಪ್ರಶ್ನೆ.