ಬೆಂಗಳೂರು:ಸ್ಯಾಂಡಲ್ವುಡ್ಗೆ ಡ್ರಗ್ಸ್ ನಂಟು ಇದೆ ಎಂದು ಎನ್ಸಿಬಿ ಅಧಿಕಾರಿಗಳ ಎದುರು ಬಾಯ್ಬಿಟ್ಟಿರುವ ಅನಿಕಾಳ ವಿಚಾರಣೆಯನ್ನ ಪೊಲೀಸರು ಚುರುಕುಗೊಳಿಸಿದ್ದಾರೆ. ತನಿಖಾಧಿಕಾರಿಗಳು ಪ್ರಕರಣದ ಕಿಂಗ್ ಪಿನ್ ಅನಿಕಾಳಿಂದ ಕೆಲ ಮಾಹಿತಿಗಳನ್ನು ಬಾಯ್ಬಿಡಿಸಿದ್ದಾರೆ.
ಈ ಕಿಂಗ್ ಪಿನ್ ಅನಿಕಾ ಡಿ ಯಾರು?
ಸ್ಯಾಂಡಲ್ವುಡ್ನ ಕೆಲವರಿಗೆ ಡ್ರಗ್ಸ್ ಘಾಟು ಇರುವ ಕಾರಣ ಈ ಅನಿಕಾ ಡ್ರಗ್ಸ್ ಪೆಡ್ಲರ್ ಆಗಿ ಕೆಲಸ ಮಾಡ್ತಿದ್ಲು. ಡ್ರಗ್ಸ್ ಸಪ್ಲೈ ಮಾಡುವಾಗ ಪೊಲೀಸರ ಕೈಗೆ ಸಿಗಬಾರದು ಅನ್ನೋ ಕಾರಣಕ್ಕೆ ಈಕೆ ಅನಿಕಾ ಡಿ, ಅನಿ, ಡಿ ಮನಿ ಅನ್ನೋ ಹೆಸರಳನ್ನಿಟ್ಟುಕೊಂಡು ಡ್ರಗ್ಸ್ ಪೂರೈಸುತ್ತಿರುವ ವಿಚಾರ ಬೆಳಕಿಗೆ ಬಂದಿದೆ.
ಅನಿಕಾಗೆ ಕೇವಲ 24 ವರ್ಷವಾಗಿದ್ದು, ಇವಳು ಮೂಲತಃ ತಮಿಳುನಾಡಿನ ಸೇಲಂನ ಯೆರ್ಕಾಡ್ ಸಿಟಿಯವಳಾಗಿದ್ದಾಳೆ. ಈಕೆಯ ಅಪ್ಪನಿಗೆ ಮೂವರು ಮಕ್ಕಳು. ಈಕೆಗೆ ಓರ್ವ ಸಹೋದರಿ ಮತ್ತು ಸಹೋದರ ಇದ್ದಾರೆ.
ಯೆರ್ಕಾಡ್ ನ ಖಾಸಗಿ ಕಾಲೇಜಿನಲ್ಲಿ ಹೋಟೆಲ್ ಮ್ಯಾನೇಜ್‌ಮೆಂಟ್‌ ಕೋರ್ಸ್ ಕಲಿತಿರುವ ಈಕೆ, ಎರಡನೇ ವರ್ಷಕ್ಕೆ ಡಿಗ್ರಿ ಡ್ರಾಪ್ ಮಾಡಿದ್ದಳು. ನಂತರ ಕೆಲಸ ಹುಡುಕಿಕೊಂಡು ಬೆಂಗಳೂರಿಗೆ ಬಂದಿದ್ದಳು. ನಗರಕ್ಕೆ ಬಂದವಳು ನಗರದ ದೊಡ್ಡಗುಬ್ಬಿಯಲ್ಲಿ ಅಪಾರ್ಟ್ಮೆಂಟ್ನಲ್ಲಿ ವಾಸವಿದ್ದು, ಸ್ಯಾಂಡಲ್ವುಡ್ನವರಿಗೆ ಡ್ರಗ್ಸ್ ಸಪ್ಲೈ ಮಾಡಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ.
ಸದ್ಯ ಎನ್ಸಿಬಿ ಅಧಿಕಾರಿಗಳು ಅನಿಕಾಳಿಂದ ಹಲವಾರು ಮಾಹಿತಿಗಳನ್ನ ಕಲೆಹಾಕಿದ್ದಾರೆ. ಹಾಗೆಯೇ ಇಂದ್ರಜಿತ್ ಲಂಕೇಶ್ ಸಿಸಿಬಿಗೆ ಕೆಲ ಸಾಕ್ಷಿಗಳನ್ನು ನೀಡಿದ ಕಾರಣ ತನಿಖಾ ತಂಡ ಜಂಟಿಯಾಗಿ ಕಾರ್ಯನಿರ್ವಹಣೆ ಮಾಡಲು ನಿರ್ಧರಿಸಿದೆ.