ಮಾಸ್ಕ್‌ ವಿಲೇವಾರಿ ಬಗ್ಗೆ ಬೆಂಗಳೂರಿಗರ ಬೇಜವಾಬ್ದಾರಿ; ಪೌರಕಾರ್ಮಿಕರಿಗೆ ಪ್ರಾಣಕಂಟಕ

ಕೋವಿಡ್ ಭೀತಿ ಹಿನ್ನೆಲೆಯಲ್ಲಿ ಎಲ್ಲರೂ ಮಾಸ್ಕ್ ಬಳಕೆ ಮಾಡುತ್ತಿದ್ದಾರೆ. ಆದರೆ, ಬಳಸಿದ ಮಾಸ್ಕ್ ಅನ್ನು ಹೇಗೆ ವಿಲೇವಾರಿ ಮಾಡಬೇಕೆಂದು ಗೊತ್ತಿಲ್ಲದೆ, ಪ್ರತ್ಯೇಕವಾಗಿಯೂ ಕೊಡದೆ ಕಸದ ಜೊತೆ ಮಿಶ್ರ ಮಾಡಿ ಕೊಡುತ್ತಿದ್ದಾರೆ. ಜನರ ಈ ನಿರ್ಲಕ್ಷ್ಯ ಕಸ ಸ್ವಚ್ಛ ಮಾಡುವ ಪೌರಕಾರ್ಮಿಕರಿಗೆ ಕಂಟಕವಾಗಿದೆ.

ಬೆಂಗಳೂರು: ಕೋವಿಡ್ ಭೀತಿಯಿಂದಾಗಿ ಎಲ್ಲರೂ ಮಾಸ್ಕ್ ಬಳಕೆ ಮಾಡುತ್ತಿದ್ದಾರೆ. ಆದರೆ, ಬಳಸಿದ ಮಾಸ್ಕ್ ಅನ್ನು ಹೇಗೆ ವಿಲೇವಾರಿ ಮಾಡಬೇಕೆಂದು ಗೊತ್ತಿಲ್ಲದೆ, ಪ್ರತ್ಯೇಕವಾಗಿಯೂ ಕೊಡದೆ ಕಸದ ಜೊತೆ ಮಿಶ್ರ ಮಾಡಿ ಕೊಡುತ್ತಿದ್ದಾರೆ. ಜನರ ಈ ನಿರ್ಲಕ್ಷ್ಯ ಕಸ ಸ್ವಚ್ಛ ಮಾಡುವ ಪೌರಕಾರ್ಮಿಕರಿಗೆ ಕಂಟಕವಾಗಿದೆ.

ಜಯನಗರದ ವಾರ್ಡ್ ನಂ177ರ ಒಣಕಸ ಕೇಂದ್ರದಲ್ಲಿ ಕೆಲಸ ಮಾಡುತ್ತಿರುವ ಪೌರ ಕಾರ್ಮಿಕರೊಬ್ಬರು ನಗರದ ನಾಗರಿಕರಲ್ಲಿ ಕಸದ ಬೇರ್ಪಡಿಸುವಿಕೆ ಕುರಿತು ಮನವಿ ಮಾಡಿದ್ದಾರೆ. ಪ್ರತಿ ದಿನ 200-300 ಮಾಸ್ಕ್​ಗಳು ಕಸದ ಜೊತೆ ಬರುತ್ತಿವೆ. ಇದನ್ನು ಪ್ರತ್ಯೇಕಿಸಲು ಭಯವಾಗುತ್ತಿದೆ. ಹೀಗಾಗಿ ಒಂದು ಪೇಪರ್​ನಲ್ಲಿ ಸುತ್ತಿ ಕೊಡಿ. ಒಂದು ರೆಡ್ ಮಾರ್ಕ್ ಹಾಕಿ ಕೊಟ್ಟರೆ ಇನ್ನೂ ಉತ್ತಮ ಎಂದು ಮನವಿ ಮಾಡಿದ್ದಾರೆ.

ಯಾವುದೇ ಕಾರಣಕ್ಕೂ ಮಿಶ್ರಕಸ ಕೊಡಬೇಡಿ, ಪ್ರತ್ಯೇಕ ಮಾಡಿ, ಅದರಲ್ಲೂ ಮಾಸ್ಕ್ ಪ್ರತ್ಯೇಕಿಸಿ ಕೊಡಿ ಎಂದು ಅವರು ಮನವಿ ಮಾಡಿದ್ದಾರೆ.