ಹೆಬ್ಬಾಳ ಕೆರೆ ಬಫರ್ ಝೋನ್​ನ ತಾತ್ಕಾಲಿಕ ಶೆಡ್ ತೆರವು ಮಾಡಿ: ಪಾಲಿಕೆ ಆದೇಶ

ಹೆಬ್ಬಾಳ ಕೆರೆ ಪಕ್ಕದಲ್ಲಿರುವ ಅರಣ್ಯ ಇಲಾಖೆಯ ಬಫರ್ ಝೋನ್​ನಲ್ಲಿ ತಾತ್ಕಾಲಿಕ ಶೆಡ್​ಗಳು ನಿರ್ಮಾಣವಾಗಿದ್ದು, ಶೆಡ್​​ಗಳನ್ನು ಕೂಡಲೇ ತೆರವು ಮಾಡಲು ಮಾಲಿಕರಿಗೆ ಪಾಲಿಕೆ ಆದೇಶ ನೀಡಿದೆ.

ಬೆಂಗಳೂರು: ನಗರದಲ್ಲಿ ಈಗಾಗಲೇ ಕೆರೆ ಜಾಗ, ರಾಜಕಾಲುವೆಗಳು ಹಾಗೇ ಬಫರ್ ಝೋನ್​ಗಳನ್ನು ಬಿಡದೆ ಭೂಗಳ್ಳರು ಆಕ್ರಮಿಸಿದ್ದು, ಆಕಾಶದೆತ್ತರದ ಕಟ್ಟಡಗಳನ್ನೂ ಕಟ್ಟಿದ್ದಾರೆ.

ಶೆಡ್ ತೆರವು ಮಾಡಲು ಆದೇಶಿಸಿದ ಪ್ರತಿ

ಇದೀಗ ಹೆಬ್ಬಾಳ ಕೆರೆ ಪಕ್ಕದಲ್ಲಿರುವ ಅರಣ್ಯ ಇಲಾಖೆಯ ಬಫರ್ ಝೋನ್​ನಲ್ಲಿ ಹೊಸ ಪ್ರಕರಣ ಬೆಳಕಿಗೆ ಬಂದಿದೆ. ಪಾಲಿಕೆಯ ಕಂದಾಯ ಇಲಾಖೆ, ಕಾಮಗಾರಿ ಇಲಾಖೆ, ಅರಣ್ಯ ಇಲಾಖೆ, ಹಾಗೂ ಕೆರೆ ಸಂರಕ್ಷಣಾ ಇಲಾಖೆಯವ್ರು ಜಂಟಿ ಪರಿಶೀಲನೆ ನಡೆಸಿ, ಬಫರ್ ಝೋನ್​ನಲ್ಲಿದ್ದ ತಾತ್ಕಾಲಿಕ ಶೆಡ್ಅನ್ನು ತೆರವು ಮಾಡಲು ಮಾಲಿಕರಿಗೆ ಸೂಚಿಸಿದ್ದಾರೆ ಎಂದು ಬಿಬಿಎಂಪಿ ಆಯುಕ್ತ ಮಂಜುನಾಥ್ ಪ್ರಸಾದ್ ತಿಳಿಸಿದ್ದಾರೆ.