ಉದ್ಯಮಗಳ ಲೈಸನ್ಸ್ ನವೀಕರಣ ದಂಡ ಶುಲ್ಕಕ್ಕೆ ವಿನಾಯಿತಿ ನೀಡಿದ ಬಿಬಿಎಂಪಿ

ಉದ್ಯಮಗಳ ಪರವಾನಗಿ ನವೀಕರಣ ಮಾಡಿಕೊಡಲು ಮಾ.31ರವರೆಗೆ ವಿಧಿಸಲಾಗುತ್ತಿದ್ದ ಶೇ.25ರಷ್ಟು ದಂಡ ಶುಲ್ಕದಿಂದ ವಿನಾಯಿತಿ ನೀಡಿ ಪಾಲಿಕೆ ಆರೋಗ್ಯಾಧಿಕಾರಿ ಆದೇಶ ಹೊರಡಿಸಿದ್ದಾರೆ. ಏಪ್ರಿಲ್ 1ರ ನಂತರ ನವೀಕರಣ ದಂಡ ಶುಲ್ಕ ಶೇ.100 ಹೆಚ್ಚಳವಾಗಲಿದೆ.

ಬೆಂಗಳೂರು:ಪಾಲಿಕೆ ವ್ಯಾಪ್ತಿಯಲ್ಲಿರುವ ಉದ್ಯಮಗಳಿಗೆ ಪರವಾನಗಿ ನವೀಕರಣ ಮಾಡಿಸಿಕೊಳ್ಳಲು ಮಾರ್ಚ್ 31ರವರೆಗೆ ಸಮಯಾವಕಾಶ ನೀಡಿ ಶೇ.25ರಷ್ಟು ದಂಡಪಾವತಿ ಶುಲ್ಕದಿಂದ ವಿನಾಯಿತಿ ಕೊಟ್ಟು ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಆದೇಶ ಹೊರಡಿಸಿದೆ.

ನಗರದಲ್ಲಿ 2022-23ನೇ ಸಾಲಿಗೆ ಸಂಬಂಧಿಸಿದಂತೆ ಉದ್ಯಮಗಳ ಪರವಾನಗಿಯನ್ನು ಫೆಬ್ರವರಿ ತಿಂಗಳಲ್ಲಿ ದಂಡವಿಲ್ಲದೆ ನವೀಕರಣ ಮಾಡಿಕೊಡಲಾಗುತ್ತದೆ. ಮಾರ್ಚ್‌ ತಿಂಗಳಿನಲ್ಲಿ ಶೇ.25 ದಂಡ ಶುಲ್ಕ ವಿಧಿಸಲಾಗುತ್ತದೆ. ಏಪ್ರಿಲ್ ನಂತರ ಶೇ.100ರಷ್ಟು ದಂಡ ಶುಲ್ಕದೊಂದಿಗೆ ನವೀಕರಣ ಮಾಡಲಾಗುತ್ತದೆ ಎಂದು ಈ ಮೊದಲು ಹೇಳಲಾಗಿತ್ತು.

ಇದನ್ನೂ ಓದಿ:ಬೊಮ್ಮಾಯಿ ಜೋಳಿಗೆಯಿಂದ ಜನರಿಗೆ ಹೊರೆ ಇಲ್ಲದ, ಪ್ರಿಯವೆನಿಸುವ ಹೊಸ ಘೋಷಣೆ ಖಚಿತ!

ಉದ್ಯಮಗಳು ಸಂಕಷ್ಟದಲ್ಲಿದ್ದು, ಉದ್ಯಮ ಪರವಾನಗಿ ನವೀಕರಣ ದಂಡ ಶುಲ್ಕದಿಂದ ವಿನಾಯಿತಿ ನೀಡಲು ಮನವಿಗಳು ಸಲ್ಲಿಕೆ ಆಗಿದ್ದವು. ಈ ನಿಟ್ಟಿನಲ್ಲಿ ಮಾ.31ರವರೆಗೆ ವಿಧಿಸಲಾಗುತ್ತಿದ್ದ. ಶೇ.25 ರಷ್ಟು ದಂಡ ಶುಲ್ಕದಿಂದ ವಿನಾಯಿತಿ ನೀಡಿ ಪಾಲಿಕೆ ಆರೋಗ್ಯಾಧಿಕಾರಿ ಆದೇಶ ಹೊರಡಿಸಿದ್ದಾರೆ.

ಮುಂದಿನ ತಿಂಗಳು ಶೇ.100ರಷ್ಟು ದಂಡ: ಏಪ್ರಿಲ್ 1ರ ನಂತರ ನವೀಕರಣ ದಂಡ ಶುಲ್ಕ ಶೇ.100 ಹೆಚ್ಚಳವಾಗಲಿದೆ. ಮಾಹಿತಿಗೆ ಪಾಲಿಕೆ ವೆಬ್‌ಸೈಟ್ www.bbmp.gov.in ಸಂಪರ್ಕಿಸಬಹುದು.