ಆಹಾಹಾ ಪುಣ್ಯಾತ್ಮರು.. ಕೊರೊನಾ ನಡುವೆ ಪಾಲಿಕೆ ನೌಕರರಿಗೆ ಬೇಕಂತೆ ಹೈಟೆಕ್ ರೆಸ್ಟೋರೆಂಟ್,ಜಿಮ್!

ಈ ಕುರಿತು ಮೇಯರ್ ಯೋಜನಾ ವಿಭಾಗದ ಅಧಿಕಾರಿಗೆ ಪತ್ರ ಬರೆದು, ಹೈ-ಟೆಕ್ ಜಿಮ್​ನ ಮರ ಹಾಗೂ ಗಾಜಿನ ಮೂಲಕ 30x60 ಚದರ ಅಡಿ ನಿರ್ಮಾಣಕ್ಕೆ ಅಗತ್ಯ ಸಾಮಾಗ್ರಿ ಒದಗಿಸಲು ಕೂಡಲೇ‌ ಕ್ರಮಕೈಗೊಳ್ಳುವಂತೆ‌ ತಿಳಿಸಿದ್ದಾರೆ.

ಬೆಂಗಳೂರು:ಒಂದೆಡೆ ಅಧಿಕಾರಿಗಳು ಕೋವಿಡ್-19 ತಡೆಗಟ್ಟಲು ಹಗಲು-ರಾತ್ರಿ ಶ್ರಮಪಡುತ್ತಿದ್ರೆ, ಇತ್ತ ಇದರ ಪರಿವೇ ಇಲ್ಲದ ಕೆಲವರು ಪಾಲಿಕೆ ಆವರಣದಲ್ಲಿ ಅತ್ಯಾಧುನಿಕ ಜಿಮ್ ಹಾಗೂ ರೆಸ್ಟೋರೆಂಟ್ ನಿರ್ಮಾಣ ಮಾಡುವಂತೆ ಬೇಡಿಕೆ ಇಟ್ಟಿದ್ದಾರೆ.

ಪಾಲಿಕೆ ನೌಕರರ ಬೇಡಿಕೆ ಈಡೇರಿಸುವಂತೆ ಮೇಯರ್​ ಪತ್ರ

ಈ ಬಗ್ಗೆ ಪಾಲಿಕೆ ಅಧಿಕಾರಿ-ನೌಕರರ ಕ್ಷೇಮಾಭಿವೃದ್ಧಿ ಸಂಘದ ಅಮೃತ್ ರಾಜ್, ಮೇಯರ್ ಗೌತಮ್ ಕುಮಾರ್​ಗೆ ಪತ್ರ ಬರೆದಿದ್ದಾರೆ. ಈ ಕುರಿತು ಮೇಯರ್ ಯೋಜನಾ ವಿಭಾಗದ ಅಧಿಕಾರಿಗೆ ಪತ್ರ ಬರೆದು, ಹೈ-ಟೆಕ್ ಜಿಮ್​ನ ಮರ ಹಾಗೂ ಗಾಜಿನ ಮೂಲಕ 30x60 ಚದರ ಅಡಿ ನಿರ್ಮಾಣಕ್ಕೆ ಅಗತ್ಯ ಸಾಮಾಗ್ರಿ ಒದಗಿಸಲು ಕೂಡಲೇ‌ ಕ್ರಮಕೈಗೊಳ್ಳುವಂತೆ‌ ತಿಳಿಸಿದ್ದಾರೆ.

ಹೋಟೇಲ್ ಕಟ್ಟಡ ನಿರ್ಮಾಣಕ್ಕೆ ಇಟ್ಟಿರುವ 2 ಕೋಟಿ ರೂ. ಅನುದಾನ ಬಳಸಿ ಕೂಡಲೇ ರೆಸ್ಟೋರೆಂಟ್ ನಿರ್ಮಾಣ ಮಾಡಲು ಸೂಚಿಸಿ ಪತ್ರ ಬರೆದಿದ್ದಾರೆ.