ವದಂತಿಗಳಿಂದ ದೂರವಿರುವುದು ಉತ್ತಮ: ಬಿಬಿಎಂಪಿ ಆಯುಕ್ತ ಅನಿಲ್ ಕುಮಾರ್ ಸಲಹೆ..

ಬೆಂಗಳೂರಲ್ಲಿ ಗಾಳಿಯಲ್ಲಿ ಕೊರೊನಾ ಮೆಡಿಸಿನ್ ಸ್ಪ್ರೇ ಮಾಡಲಾಗುತ್ತಿದೆ ಎಂಬುದು ಸುಳ್ಳು ಸುದ್ದಿ ಎಂದು ಬಿಬಿಎಂಪಿ ಕಮಿಷನರ್​ ಹೇಳಿದ್ದು, ವದಂತಿಗಳಿಗೆ ಕಿವಿಗೊಡದಂತೆ ಮನವಿ ಮಾಡಿದ್ದಾರೆ.

ಬೆಂಗಳೂರು:ಕೊರೊನಾ ವೈರಸ್ ಹರಡುವ ಭೀತಿ ಹೆಚ್ಚಾಗುತ್ತಿದ್ದಂತೆ, ಕಿಡಿಗೇಡಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿಯ ಹರಡುವಿಕೆಯೂ ಹೆಚ್ಚಾಗುತ್ತಿದೆ.

ಈ ಕುರಿತು ಬಿಬಿಎಂಪಿ ಆಯುಕ್ತ ಬಿ.ಹೆಚ್.ಅನಿಲ್ ಕುಮಾರ್ ಟ್ವೀಟ್​ ಮಾಡಿದ್ದು, ಆತ್ಮೀಯ ನಾಗರಿಕರೇ, ವಾಟ್ಸ್​ಆ್ಯಪ್​ ಮತ್ತು ಇತರ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿನ ವದಂತಿಗಳಿಗೆ ಬಲಿಯಾಗಬೇಡಿ. ಕೋವಿಡ್​ -19ಗಾಗಿ ಯಾವುದೇ ಔಷಧವನ್ನು ಸಿಂಪಡಿಸುವ ಯೋಜನೆಯನ್ನು ಬಿಬಿಎಂಪಿ ಹೊಂದಿಲ್ಲ. ವದಂತಿಗಳಿಂದ ದೂರವಿರುವುದು ಉತ್ತಮ ಎಂದಿದ್ದಾರೆ

ಇನ್ನು ಕೆಆರ್ ಮಾರುಕಟ್ಟೆ ಮತ್ತು ಸುತ್ತಮುತ್ತಲಿನ ಪ್ರದೇಶಗಳನ್ನು ಸ್ವಚ್ಚಗೊಳಿಸಲಾಗಿದ್ದು, ಬಿಬಿಎಂಪಿ ಅಧಿಕಾರಿಗಳು ಮಾರುಕಟ್ಟೆ ಪರಿಶೀಲನೆ ನಡೆಸಿದ್ದಾರೆ.