ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ್ ಗುಪ್ತ ಟ್ವಿಟರ್ ಖಾತೆ ಹ್ಯಾಕ್

ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ್ ಗುಪ್ತ ಅವರ ಟ್ವಿಟರ್ ಖಾತೆಯನ್ನು ಹ್ಯಾಕ್​ ಮಾಡಲಾಗಿದ್ದು, ಅದರಲ್ಲೀಗ ಖಾಸಗಿ ವ್ಯಕ್ತಿಗಳು ಟ್ವೀಟ್​ ಮಾಡುತ್ತಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಅವರು, ಸದ್ಯಕ್ಕೆ ಸೈಬರ್ ಕ್ರೈಂ ವಿಭಾಗಕ್ಕೆ ದೂರು ನೀಡಲಾಗಿದೆ ಎಂದು ತಿಳಿಸಿದ್ದಾರೆ.

ಬೆಂಗಳೂರು: ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ್ ಗುಪ್ತ ಅವರ ಟ್ವಿಟರ್ ಹೆಸರು, ಫೋಟೋ ಅಳಿಸಿ ಹ್ಯಾಕ್ ಮಾಡಲಾಗಿದೆ. ಈ ಅಕೌಂಟ್​ನಲ್ಲಿ ಸದ್ಯ ಖಾಸಗಿ ವ್ಯಕ್ತಿಗಳು ಟ್ವೀಟ್ ಮಾಡುತ್ತಿರುವುದು ಕಂಡುಬಂದಿದೆ.

ಗೌರವ್ ಗುಪ್ತ ಮಾಡಿದ ಟ್ವೀಟ್​

ಬಿಬಿಎಂಪಿ ಮುಖ್ಯ ಆಯುಕ್ತರ ಹಳೆಯ ಅಥವಾ ಹೊಸ ಟ್ವೀಟ್​ಗಳು ಕಾಣಿಸುತ್ತಿಲ್ಲ. ಈ ಹಿಂದೆ ಅವರು ನಗರದ ಅಭಿವೃದ್ಧಿ ಕಾರ್ಯಗಳು, ಕೋವಿಡ್ ಕುರಿತ ಮಾಹಿತಿಗಳನ್ನು ಟ್ವೀಟ್ ಮಾಡುತ್ತಿದ್ದರು. ಸಾಕಷ್ಟು ಜನ ಇವರ ಅಕೌಂಟ್​ನ್ನು ಫಾಲೋ ಕೂಡಾ ಮಾಡುತ್ತಿದ್ದರು. ಆದರೆ ಮುಖ್ಯ ಆಯುಕ್ತರ ಫೋಟೋ ಹೆಸರು ಎರಡೂ ಟ್ವಿಟರ್ ನಲ್ಲಿಯೂ ಲಭ್ಯವಿಲ್ಲ.

ಹ್ಯಾಕ್​ ಆದ ಟ್ವಿಟರ್​ ಅಕೌಂಟ್

ಈ ಬಗ್ಗೆ ಪ್ರತಿಕ್ರಿಯಿಸಿದ ಆಯುಕ್ತರು, ಯಾರು ಮಾಡಿದ್ರು, ಯಾಕೆ ಎಂಬುದು ಗೊತ್ತಿಲ್ಲ. ಜನರಿಗೆ ಸೂಕ್ತ ಅಗತ್ಯ ಮಾಹಿತಿ ಸಿಗುತ್ತಿತ್ತು. ಈಗ ಹ್ಯಾಕ್ ಸರಿಪಡಿಸಲು ತಿಳಿಸಲಾಗಿದೆ. ಸದ್ಯಕ್ಕಂತೂ ಸೈಬರ್ ಕ್ರೈಂ ವಿಭಾಗಕ್ಕೆ ದೂರು ನೀಡಲಾಗಿದೆ ಎಂದರು.

ಖಾಸಗಿ ವ್ಯಕ್ತಿಗಳಿಂದ ಗೌರವ್ ಗುಪ್ತ ಟ್ವಿಟರ್​ ಖಾತೆ ಬಳಕೆ

ಓದಿ:ರಾಜ್ಯ ಪ್ರವೇಶಿಸಿದ ಮುಂಗಾರು: ಬೆಂಗಳೂರಲ್ಲಿ ಭಾರೀ ಮಳೆ, ಕೆಲ ಜಿಲ್ಲೆಗಳಲ್ಲಿ ಆರೆಂಜ್ ಅಲರ್ಟ್