ಬೆಂಗಳೂರು: ಕಡಿಮೆ ದರದಲ್ಲಿ ಔಷಧಿ ಕಲ್ಪಿಸುವ ಜನೌಷಧಿ ಕೇಂದ್ರ ಬಡ ಜನರಿಗೆ ಅತ್ಯಂತ ಉಪಯುಕ್ತ ಯೋಜನೆಯಾಗಿದೆ. ಬಸನಗುಡಿ ಲೋಕಸಭಾ ಕ್ಷೇತ್ರದಲ್ಲಿ ಪ್ರಸ್ತುತ 62 ಜನೌಷಧಿ ಕೇಂದ್ರಗಳಿವೆ. ಇದನ್ನು 100ಕ್ಕೆ ಏರಿಸಲು ಕ್ಷೇತ್ರದ ಸಂಸದರು ಯೋಜನೆ ಹಮ್ಮಿಕೊಂಡಿದ್ದು, ಇದಕ್ಕೆ ಸರ್ಕಾರದ ಸಂಪೂರ್ಣ ಸಹಕಾರ ದೊರೆಯಲಿದೆ ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ತಿಳಿಸಿದರು.
ಪ್ರಧಾನಮಂತ್ರಿ ಜನೌಷಧಿ ಕೇಂದ್ರ 'ಅಜಾದಿ ಕಿ ಅಮೃತ್ ಮಹೋತ್ಸವ್' ಕಾರ್ಯಕ್ರಮದಲ್ಲಿ ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವೀಯ ಅವರೊಂದಿಗೆ ಪಾಲ್ಗೊಂಡು ಮಾತನಾಡಿದ ಸಿಎಂ, ಪ್ರಧಾನಿ ನರೇಂದ್ರ ಮೋದಿಯವರು ಜನೋಪಯೋಗಿ ಯೋಜನೆಗಳನ್ನು ಹಮ್ಮಿಕೊಂಡು ಅನುಷ್ಠಾನಗೊಳಿಸುವ ತನಕ ವಿರಮಿಸುವುದಿಲ್ಲ. ಮುಂದೆ ನಿಂತು ದೇಶದ ಮುಂದಾಳತ್ವವನ್ನು ವಹಿಸುವ ಆದರ್ಶ ನಾಯಕರು ಅವರು. ಕಡಿಮೆ ದರದಲ್ಲಿ ದೇಶದೆಲ್ಲೆಡೆ ಔಷಧಿ ಲಭ್ಯವಾಗಿಸುವುದು ಸುಲಭದ ಮಾತಲ್ಲ ಎಂದರು.