ಇಲ್ಕೇಳ್ರೀ ಸ್ವಲ್ಪ.. ಬಾರ್​, ವೈನ್​ಸ್ಟೋರ್​ ರೀ ಒಪನ್.. ಆದರೆ, ನಾಳೆವರೆಗೂ 144 ಸೆಕ್ಷನ್ ಜಾರಿ

ಇಂದು ಸಂಜೆ ಆರು ಗಂಟೆ ನಂತರ ಬಾರ್, ವೈನ್ ಸ್ಟೋರ್, ಪಬ್​ಗಳನ್ನ ತೆರೆಯಲು ಅನುಮತಿ ನೀಡಲಾಗಿದ್ದು, 144 ಸೆಕ್ಷನ್ ನಾಳೆವರೆಗೂ‌ ಮುಂದುವರೆಯಲಿದೆ ಎಂದು ನಗರ ಪೊಲೀಸ್‌ ಆಯುಕ್ತರು ತಿಳಿಸಿದ್ದಾರೆ.

ಬೆಂಗಳೂರು: ಕಾನೂನು ಸುವ್ಯವಸ್ಥೆ ದೃಷ್ಠಿಯಿಂದ ಎರಡು ದಿನಗಳ‌ ಕಾಲ ನಗರದಲ್ಲಿ ಬಾರ್, ವೈನ್ ಸ್ಟೋರ್ ಹಾಗೂ ಪಬ್​ಗಳನ್ನು ಮುಚ್ಚುವಂತೆ ಹೇರಿದ್ದ ನಿರ್ಬಂಧವನ್ನು ಒಂದು ದಿನಕ್ಕಿಳಿಸಲಾಗಿದೆ.

ನಗರ ಪೊಲೀಸ್ ಆಯುಕ್ತ ಅಲೋಕ್ ಕುಮಾರ್, ರಾಜಕೀಯ ಸಂಘರ್ಷ ಹಿನ್ನೆಲೆಯಲ್ಲಿ ನಗರದಲ್ಲಿ ಮುಂಜಾಗ್ರತಾ ಕ್ರಮವಾಗಿ ಬಾರ್, ಕ್ಲಬ್​ಗಳನ್ನು‌ ಜುಲೈ 23 ಸಂಜೆ 6 ರಿಂದ 25ರ ಸಂಜೆ 6 ಗಂಟೆವರೆಗೆ ಮುಚ್ಚುವಂತೆ ಆದೇಶಿಸಿದ್ದೆವು. ಆದರೆ, ಇಂದು ಪರಿಸ್ಥಿತಿಗೆ ಅನುಗುಣವಾಗಿ ಹೊರಡಿಸಿದ್ದ ಆದೇಶವನ್ನ ಒಂದು ದಿನಕ್ಕೆ‌ ಮಾತ್ರ ಸೀಮಿತವಾಗಿರಿಸಲಾಗಿದೆ ಎಂದು ತಿಳಿಸಿದರು.

ಈ ಮೂಲಕ ಇಂದು ಸಂಜೆ ಆರು ಗಂಟೆ ನಂತರ ಬಾರ್, ವೈನ್ ಸ್ಟೋರ್, ಪಬ್​ಗಳನ್ನ ತೆರೆಯಲು ಅನುಮತಿ ನೀಡಲಾಗಿದೆ. ಆದರೆ, 144 ಸೆಕ್ಷನ್ ನಾಳೆವರೆಗೂ‌ ಮುಂದುವರೆಯಲಿದೆ ಎಂದು ಆಯುಕ್ತರು ತಿಳಿಸಿದ್ದಾರೆ.