ಲಾಕ್​ಡೌನ್​ ನಡುವೆ ಹುಂಡಿ ಮೇಲೆ ಕಣ್ಣು... ಒಂದೇ ರಾತ್ರಿ 2 ದೇವಸ್ಥಾನಗಳಲ್ಲಿ ಕಳ್ಳರ ಕೈಚಳಕ!

ಯಲಹಂಕದ ಶಿವಕೋಟೆ ಗ್ರಾಮದ ಲಕ್ಷ್ಮೀನಾರಂಸಿಂಹ ಸ್ವಾಮಿ‌ ದೇವಸ್ಥಾನದಲ್ಲಿ ಕಳ್ಳರು ನಿನ್ನೆ ತಡರಾತ್ರಿ ಹುಂಡಿ ಕಳ್ಳತನ ಮಾಡಿ ನಂತರ ಸಮೀಪದಲ್ಲೇ ಇದ್ದ ಲಕ್ಷ್ಮೀ ದೇವಸ್ಥಾನದಲ್ಲೂ ತಮ್ಮ ಕೈಚಳಕ ತೋರಿಸಿದ್ದಾರೆ.

ಬೆಂಗಳೂರು:ಲಾಕ್​​ಡೌನ್ ಹಿನ್ನೆಲೆ ಕಳ್ಳರು ದೇವಸ್ಥಾನದ ಹುಂಡಿ ಮೇಲೆ ಕಣ್ಣಿಟ್ಟಿದ್ದು, ಸಿಲಿಕಾನ್​ ಸಿಟಿಯಲ್ಲೀಗ ದಿನೇ ದಿನೆ ಕಳ್ಳತನ ಪ್ರಕರಣಗಳು ಹೆಚ್ಚುತ್ತಿವೆ.

ಯಲಹಂಕದ ಶಿವಕೋಟೆ ಗ್ರಾಮದ ಲಕ್ಷ್ಮೀನಾರಂಸಿಂಹ ಸ್ವಾಮಿ‌ ದೇವಸ್ಥಾನದಲ್ಲಿ ಕಳ್ಳರು ನಿನ್ನೆ ತಡರಾತ್ರಿ ಹುಂಡಿ ಕಳ್ಳತನ ಮಾಡಿ ನಂತರ ಸಮೀಪದಲ್ಲೇ ಇದ್ದ ಲಕ್ಷ್ಮೀ ದೇವಸ್ಥಾನದಲ್ಲೂ ತಮ್ಮ ಕೈಚಳಕ ತೋರಿಸಿದ್ದಾರೆ. ಲಾಕೌಡೌನ್​ ಹೇರಿದ ಬಳಿಕ ಸಿಲಿಕಾ‌ನ್ ಸಿಟಿಯ 50ಕ್ಕೂ ಹೆಚ್ಚು ಕಡೆಗಳಲ್ಲಿ ದೇವಸ್ಥಾನ, ಮನೆಗಳ್ಳತನ, ಬೈಕ್ ಕಳ್ಳತನ ಪ್ರಕರಣಗಳು ಹೆಚ್ಚಾಗ್ತಿವೆ.

ಬಹುತೇಕ ಮಂದಿ ಲಾಕ್​​​ಡೌನ್ ಹೇರುವ ಮೊದಲೇ ಮನೆಗಳಿಗೆ ಬಾಗಿಲು ಹಾಕಿ ತಮ್ಮ-ತಮ್ಮ ಊರುಗಳಿಗೆ ತೆರಳಿದ್ದಾರೆ. ಇದನ್ನ ಸದುಪಯೋಗಪಡಿಸಿಕೊಂಡ ಖದೀಮರು ಬಹುತೇಕ ಕಡೆ ಯಾರೂ ಇಲ್ಲದ್ದನ್ನು ಗಮ‌ನಿಸಿ ಕಳ್ಳತನ ಮಾಡ್ತಿದ್ದಾರೆ. ಸದ್ಯ ಪೊಲೀಸರು ಕೂಡಾ ಸೀಲ್ ಡೌನ್ ಪ್ರದೇಶ, ಹಾಟ್ ಸ್ಪಾ ಟ್ ಪ್ರದೇಶದಲ್ಲಿ ಬ್ಯುಸಿಯಾಗಿರೋದೆ ಕಳ್ಳರ ಪಾಲಿಗೆ ದೊಡ್ಡ ವರದಾನವಾಗಿದೆ.