ಲಾಕ್​​ಡೌನ್ ಹಿನ್ನೆಲೆ ಬಿಎಂಟಿಸಿ ಅಗತ್ಯ ಸಾರಿಗೆ ಸೇವೆ: ಇವರಿಗೆ ಮಾತ್ರ ಪ್ರಯಾಣ ಅವಕಾಶ

ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಕಂಟೈನ್ಮೆಂಟ್ ವಲಯಗಳನ್ನು ಹೊರತುಪಡಿಸಿ, ಅಗತ್ಯ ಬಿಎಂಟಿಸಿ ಬಸ್​ ಸಂಚಾರ ಇರಲಿದೆ. ಅಗತ್ಯ ಸಾರಿಗೆ ಸೇವೆಯು ಬೆಳಗ್ಗೆ 7 ಗಂಟೆಯಿಂದ ರಾತ್ರಿ 7ಗಂಟೆವರೆಗೆ ಮಾತ್ರ ಇರಲಿದೆ.

ಬೆಂಗಳೂರು:ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಜಿಲ್ಲೆಗಳಲ್ಲಿ ಕೊರೊನಾ ಹರಡುವಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಲಾಕ್​ಡೌನ್​ ಘೋಷಿಸಿದ್ದು, ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಗೆ ಬಿಎಂಟಿಸಿ ಸೇವೆ ನಿರ್ಬಂಧಿಸಲಾಗಿದೆ. ಆದರೆ ಇಂದು 134 ಅಗತ್ಯ ಸಾರಿಗೆ ಸೇವೆ ಇರಲಿದೆ.

ಬೆಂಗಳೂರು ನಗರ ವ್ಯಾಪ್ತಿಯಲ್ಲಿ ಕಂಟೈನ್ಮೆಂಟ್ ವಲಯಗಳನ್ನು ಹೊರತುಪಡಿಸಿ, ಬಿಎಂಟಿಸಿ ಬಸ್ ಸಂಚಾರ ಇರಲಿದೆ. ಅಗತ್ಯ ಸಾರಿಗೆ ಸೇವೆಯು ಬೆಳಗ್ಗೆ 7 ಗಂಟೆಯಿಂದ ರಾತ್ರಿ 7ಗಂಟೆವರೆಗೆ ಮಾತ್ರ ಇರಲಿದೆ.

ಬಿಎಂಟಿಸಿ‌ ಪ್ರಯಾಣಿಸಲು ಇವರಿಗಷ್ಟೇ ಅನುಮತಿ:

ಕೇಂದ್ರ /ರಾಜ್ಯ ಸರ್ಕಾರ/ಅರೆ ಸರ್ಕಾರದ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ನೌಕರರು, ಸಾರ್ವಜನಿಕ ಉದ್ದಿಮೆ ನಿಗಮ ಮಂಡಳಿ ಮುಂತಾದವರು, ಪೊಲೀಸ್, ಗೃಹರಕ್ಷಕ ದಳ, ನಾಗರಿಕ ರಕ್ಷಣೆ, ಅರಣ್ಯ ಇಲಾಖೆಗಳ ಸಿಬ್ಬಂದಿ, ತುರ್ತು ಸೇವೆಗಳ ಸಿಬ್ಬಂದಿ, ಅಗ್ನಿಶಾಮಕ ಸಿಬ್ಬಂದಿಗೆ ಅವಕಾಶವಿದೆ. ಇವರೆಲ್ಲ ಕಡ್ಡಾಯವಾಗಿ ಗುರುತಿನ ‌ಚೀಟಿ ಹೊಂದಿರಬೇಕು.

ಟಿಕೆಟ್ ವ್ಯವಸ್ಥೆ:

ಪ್ರಯಾಣಿಕರು ತಿಂಗಳ, ವಾರ, ದಿನದ ಪಾಸ್​​ ಬಳಸಬಹುದು. ಸಿಬ್ಬಂದಿಯು ಜುಲೈ ತಿಂಗಳ ಪಾಸ್​​ ಹೊಂದಿದ್ದಲ್ಲಿ ಪ್ರಯಾಣಿಸಬಹುದು. 300 ರೂ. ವಾರದ ಪಾಸ್​​ 70 ರೂ. ದಿನದ ಪಾಸ್​ ವಿತರಣೆ ಮಾಡಲಾಗುತ್ತದೆ.

ಸಂಚಾರದಲ್ಲಿ ಇವುಗಳು ಕಡ್ಡಾಯ:

ಸಾಮಾಜಿಕ ಅಂತರ, ಮಾಸ್ಕ್ ಧರಿಸುವುದು, ಸ್ಯಾನಿಟೈಸರ್ ಬಳಕೆ ಕಡ್ಡಾಯವಾಗಿದೆ. ನಿಲುಗಡೆ ಕೇಳಿದರೆ ಹತ್ತಿಸುವುದು/ಇಳಿಸುವುದು, ಗುರುತಿನ‌ ಚೀಟಿ ಪರಿಶೀಲಿಸುವುದು. ಪ್ರಯಾಣಿಕರ ಆಸನಗಳು ಭರ್ತಿಯಾಗಿದ್ದಲ್ಲಿ, ಬಸ್​ ಹತ್ತದೆ ಬಳಿಕ ಬರುವ ಬಸ್​ಗೆ ಕಾಯಬೇಕು. ಜ್ವರ ಹಾಗೂ ಇತರೆ ಕಾಯಿಲೆಗಳಿಂದ ಬಳಲುತ್ತಿರುವ ಪ್ರಯಾಣಿಕರು ಪ್ರಯಾಣಿಸಬಾರದು.