ರಾಜಧಾನಿಯಲ್ಲಿ ಕೊರೊನಾ ಇಳಿಕೆ, ಆದ್ರೆ ಆಸ್ಪತ್ರೆಗೆ ದಾಖಲಾಗ್ತಿರುವ ಸಂಖ್ಯೆಯಲ್ಲಿ ಏರಿಕೆ? ಅಂಕಿ-ಅಂಶ ನೋಡಿ

ಬೆಂಗಳೂರಿನಲ್ಲಿ ಕಳೆದ ಕೆಲ ದಿನಗಳಿಂದ ಕೋವಿಡ್ ಸೋಂಕಿತ ಪ್ರಕರಣಗಳಲ್ಲಿ ಗಣನೀಯ ಪ್ರಮಾಣದ ಇಳಿಕೆ ಕಂಡು ಬಂದಿದೆ. ಆದರೆ ಆಸ್ಪತ್ರೆಗೆ ದಾಖಲಾಗುತ್ತಿರುವ ರೋಗಿಗಳ ಸಂಖ್ಯೆಯಲ್ಲಿ ಮಾತ್ರ ಏರಿಕೆಯಾಗಿರುವುದು ಭಯ ಹುಟ್ಟಿಸಿದೆ.

ಬೆಂಗಳೂರು:ರಾಜಧಾನಿಯಲ್ಲಿ ಕಟ್ಟುನಿಟ್ಟಿನ ಲಾಕ್​ಡೌನ್​ ಜಾರಿಗೊಂಡಿರುವ ಕಾರಣ ಕಳೆದ ಕೆಲ ದಿನಗಳಿಂದ ಕೊರೊನಾ ಕೇಸ್​​ಗಳು ಇಳಿಕೆಯಾಗಿವೆ. ಆದರೆ ಆಸ್ಪತ್ರೆಗೆ ದಾಖಲಾಗುತ್ತಿರುವವರ ಸಂಖ್ಯೆಯಲ್ಲಿ ಏರಿಕೆ ಕಂಡು ಬಂದಿದೆ ಎಂಬುದು ಅಂಕಿ-ಅಂಶಗಳಿಂದ ತಿಳಿದು ಬಂದಿದೆ.

ಕಳೆದ ಏಳು ದಿನಗಳಲ್ಲಿ ಬೆಂಗಳೂರಿನ ಆಸ್ಪತ್ರೆಗಳಿಗೆ ದಾಖಲಾದವರ ಮಾಹಿತಿ ಈ ವರದಿಯಲ್ಲಿದೆ. ಮೇ 21ರಿಂದ 27ರವರೆಗೆ ಅಂದರೆ ಏಳು ದಿನಗಳಲ್ಲಿ 3,542 ರೋಗಿಗಳು ಆಸ್ಪತ್ರೆಗಳಿಗೆ ದಾಖಲಾಗಿದ್ದಾರೆ. ಇವರೆಲ್ಲರೂ ಕೊರೊನಾ ಸೋಂಕಿನಿಂದಲೇ ಆಸ್ಪತ್ರೆಗಳಿಗೆ ದಾಖಲಾಗಿರುವುದು ಗಮನಾರ್ಹವಾಗಿದೆ.

3,542 ಜನರಲ್ಲಿ 1,528 ಸೋಂಕಿತರು ಜನರಲ್​ ವಾರ್ಡ್​ಗೆ ದಾಖಲಾಗಿದ್ದು,1,799 ಸೋಂಕಿತರು ಹೆಚ್​ಡಿಯೂ(ಹೈಡಿಪೆಂಡೆನ್ಸಿ ಯೂನಿಟ್ಸ್​​)ಗೆ ದಾಖಲಾಗಿದ್ದಾರೆ. 121 ಜನರು ಐಸಿಸಿಯ ಹಾಗೂ 94 ರೋಗಿಗಳು ಐಸಿಯು ವಿತ್​ ವೆಂಟಿಲೇಟರ್​ಗೆ ದಾಖಲಾಗಿದ್ದಾರೆ. ಹೀಗಾಗಿ ಬೆಂಗಳೂರಿನಲ್ಲಿ ಪ್ರತಿದಿನ ಐಸಿಯು ಹಾಗೂ ವೆಂಟಿಲೇಟರ್​ಗೆ ಬೇಡಿಕೆ ಸ್ವಲ್ಪವೂ ತಗ್ಗಿಲ್ಲ.

ಆಕ್ಸಿಜನ್​ ಬೆಡ್​, ಐಸಿಯು, ವೆಂಟಿಲೇಟರ್​ಗಾಗಿ ಆಸ್ಪತ್ರೆಗೆ ಹೋಗುತ್ತಿರುವವರು ಪಾಸಿಟಿವ್ ಬಂದವರಲ್ಲಿ ಶೇಕಡಾ 70%ರಷ್ಟು ಆಗಿದ್ದು, ಜನರಲ್​​ ಬೆಡ್​​ಗಳಿಗಿಂತ ಆಕ್ಸಿಜನ್​,‌ಐಸಿಯು, ವೆಂಟಿಲೇಟರ್​ ಬೆಡ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ.

ಸಂಪೂರ್ಣ ಮಾಹಿತಿ ಇಲ್ಲಿದೆ

ದಿನಾಂಕ	ಆಸ್ಪತ್ರೆಗೆ ದಾಖಲಾದವರ ಸಂಖ್ಯೆ	ಹೆಚ್​​ಡಿಯು	ಐಸಿಯು	ಐಸಿಯು+ವೆಂಟಿಲೇಟರ್​​
ಮೇ 21	680 ರೋಗಿಗಳು	375 ರೋಗಿಗಳು	25 ರೋಗಿಗಳು
ಮೇ 22	624	342	34
ಮೇ 23	591	338	20
ಮೇ 24	578	322	39
ಮೇ 25	521	302	36
ಮೇ 26	498	301	53
ಮೇ 27	50	34	08	ಒಟ್ಟು 94 ರೋಗಿಗಳು

ಒಟ್ಟು 3,542 ಸೋಂಕಿತರು ಆಸ್ಪತ್ರೆಗೆ ದಾಖಲಾಗಿದ್ದು, ಇದರಲ್ಲಿ 2014ಹೆಚ್​ಡಿಯು ,215 ಐಸಿಯು ಹಾಗೂ 94 ರೋಗಿಗಳು ಐಸಿಯು ವಿತ್​ ವೆಂಟಿಲೇಟರ್​ನಲ್ಲಿ ದಾಖಲಾಗಿದ್ದಾರೆ.