ಪ್ರಧಾನಿ ಪರಿಹಾರ ನಿಧಿಗೆ ಹೆಚ್​ಎಎಲ್​ನಿಂದ 26.25 ಕೋಟಿ ರೂ ನೆರವು

ಹೆಚ್​ಎಎಲ್ ಪ್ರಧಾನ ಮಂತ್ರಿ ತುರ್ತು ಪರಿಹಾರ ನಿಧಿಗೆ 26.25 ಕೋಟಿ ರೂ. ನೆರವನ್ನು ನೀಡುವುದಾಗಿ ಘೋಷಿಸಿದೆ.

ಬೆಂಗಳೂರು: ಕೊರೊನಾ ವೈರಾಣು ವಿರುಧ್ಧ ಹೋರಾಡಲು ಕೇಂದ್ರ ಸರ್ಕಾರ‌ ಸ್ವಾಮ್ಯದ ಪ್ರಸಿದ್ಧ ವಿಮಾನ ತಯಾರಿಕಾ ಕಂಪನಿ ಹೆಚ್​ಎಎಲ್ ಪ್ರಧಾನ ಮಂತ್ರಿ ತುರ್ತು ಪರಿಹಾರ ನಿಧಿಗೆ 26.25 ಕೋಟಿ ರೂ. ನೆರವನ್ನು ನೀಡುವುದಾಗಿ ಘೋಷಿಸಿದೆ.

ಕಂಪನಿಯ ಸಿಎಸ್ಆರ್ ಫಂಡ್​ನಿಂದ 20 ಕೋಟಿ ರೂ ಹಾಗೂ ಹೆಚ್​ಎಎಲ್ ನೌಕರರ ಒಂದು ದಿನದ ವೇತನ‌ 6.25 ಕೋಟಿ ರೂ ಹಣವನ್ನು ಪಿಎಂ ಕೇರ್ ನಿಧಿಗೆ ನೀಡುವುದಾಗಿ ಹಿಂದೂಸ್ತಾನ್ ಏರೋನಾಟಿಕ್ಸ್ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಆರ್.ಮಾಧವನ್ ತಿಳಿಸಿದ್ದಾರೆ.