ಬೆಂಗಳೂರು:ಇಲ್ಲಿನ ಟೌನ್ ಹಾಲ್ ಬಳಿಯ ಲವರ್ಸ್ ನೈಟ್ ಡ್ಯಾನ್ಸ್ ಬಾರ್ನಲ್ಲಿ ಯುವತಿಯರಿಂದ ಅಶ್ಲೀಲ ನೃತ್ಯ ಮಾಡಿಸಲಾಗುತ್ತಿದೆ ಎಂಬ ದೂರಿನನ್ವಯ ದಾಳಿ ನಡೆಸಿದ ಸಿಸಿಬಿ ಪೊಲೀಸರು ವ್ಯವಸ್ಥಾಪಕ ಹಾಗೂ ಅಕೌಂಟೆಂಟ್ ಸೇರಿ 32 ಜನರನ್ನು ಬಂಧಿಸಿದ್ದಾರೆ.
ಬಾರ್‌ಗಳಲ್ಲಿ ಅಶ್ಲೀಲ ನೃತ್ಯ; ಪೊಲೀಸರಿಂದ ಯುವತಿಯರ ರಕ್ಷಣೆ, ಮಾಲೀಕರು ಪರಾರಿ - undefined
ಬೆಂಗಳೂರಿನ ಎರಡು ಬಾರ್ಗಳ ಮೇಲೆ ದಾಳಿ ನಡೆಸಿದ ಸಿಸಿಬಿ ಪೊಲೀಸರು ಅನ್ಯ ರಾಜ್ಯದ ಯುವತಿಯರನ್ನು ರಕ್ಷಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ನಾಪೆತ್ತಯಾದ ಮಾಲಿಕರನ್ನು ಬಂಧಿಸಲು ಬಲೆ ಬೀಸಿದ್ದಾರೆ.
ಲವರ್ಸ್ ನೈಟ್ ಡ್ಯಾನ್ಸ್ ಬಾರ್ನ ವ್ಯವಸ್ಥಾಪಕ ಹಾಗೂ ಅಕೌಂಟೆಂಟ್
ಬಾರ್ನ ವ್ಯವಸ್ಥಾಪಕ ಸದಾನಂದ ಪೂಜಾರಿ, ಅಕೌಂಟೆಂಟ್ ಬಾಲಕೃಷ್ಣ ಶೆಟ್ಟಿ ಬಂಧಿತ ಆರೋಪಿಗಳು. ನೃತ್ಯ ಮಾಡುತ್ತಿದ್ದ 33 ಯುವತಿಯರನ್ನು ರಕ್ಷಿಸಲಾಗಿದೆ. ಇವರಿಗೆ ಕೆಲಸದ ಆಮಿಷವೊಡ್ಡಿ ಅನ್ಯ ರಾಜ್ಯದಿಂದ ಕರೆ ತರಲಾಗಿದ್ದು, ಬಾರ್ ಮಾಲಿಕ ಯತೀಶ್ ಚಂದ್ರಶೆಟ್ಟಿ, ನರೇಂದ್ರ ಬಾಬು ಹಾಗೂ ಕಟ್ಟಡ ಮಾಲಿಕ ಸುಧೀಂದ್ರ ಬಾಬು ನಾಪತ್ತೆಯಾಗಿದ್ದಾರೆ.
ಅದೇ ದಿನ ಅಶೋಕ ನಗರದ ರೆಸಿಡೆನ್ಸಿ ರಸ್ತೆಯಲ್ಲಿನ ಪೇಜ್ 3 ಲೈವ್ ಬ್ಯಾಂಡ್ ಮೇಲೆ ದಾಳಿ ಮಾಡಿ ಸುಮಾರು 20 ಜನರನ್ನು ಬಂಧಿಸಿ ₹88 ಸಾವಿರ ನಗದು, 71 ಮಹಿಳೆಯರನ್ನು ರಕ್ಷಿಸುವಲ್ಲಿ ಸಿಸಿಬಿ ಯಶಸ್ವಿಯಾಗಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.