ಸಾಧಾರಣ ಟಿವಿಗೆ ಪ್ರತಿಷ್ಠಿತ ಬ್ರ್ಯಾಂಡ್ ಕಂಪನಿ ಸ್ಟಿಕರ್​ ಅಂಟಿಸಿ ಮಾರಾಟ: ಆರೋಪಿ ಬಂಧನ

ಸಾಧಾರಣ ಟಿವಿಗಳನ್ನ ಖರೀದಿ ಮಾಡಿ ಅದಕ್ಕೆ ಸೋನಿ ‌, ‌ಸ್ಯಾಂಮ್ ಸಂಗ್ ಕಂಪನಿ ಸ್ಟಿಕರ್​​ ಅಂಟಿಸಿ ಅಸಲಿ ಟಿವಿ ಗಳಂತೆ ಬಿಂಬಿಸಿ ಅಧಿಕ ಹಣಕ್ಕೆ ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನ ಪೊಲೀಸರು ಬಂಧಿಸಿದ್ದಾರೆ.

ಬೆಂಗಳೂರು : ಸಾಧಾರಣ ಟಿವಿಗಳಿಗೆ ಪ್ರತಿಷ್ಠಿತ ಬ್ರ್ಯಾಂಡ್ ಕಂಪನಿಯ ಸ್ಟಿಕರ್​ ಅಂಟಿಸಿ ಮಾರಾಟ ಮಾಡುತ್ತಿದ್ದ ಖದೀಮನನ್ನ ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಚಾಮರಾಜಪೇಟೆಯ ಸುರೇಶ್ ‌ಬಂಧಿತ ಆರೋಪಿ. ಈತ ಸಾಧಾರಣ ಟಿವಿಗಳನ್ನ ಖರೀದಿ ಮಾಡಿ ಅದಕ್ಕೆ ಸೋನಿ ‌ಕಂಪನಿ ಸ್ಟಿಕರ್, ‌ಸ್ಯಾಂಮ್ ಸಂಗ್ ಕಂಪನಿ ಸ್ಟಿಕರ್​​ ಅಂಟಿಸಿ ಅಸಲಿ ಟಿವಿ ಗಳಂತೆ ಬಿಂಬಿಸಿ ಅಧಿಕ ಹಣಕ್ಕೆ ಸಾರ್ವಜನಿಕರಿಗೆ ಮಾರಾಟ ಮಾಡುತ್ತಿದ್ದ. ಈ ವಿಚಾರ ತಿಳಿದು ಕಂಪನಿ ಅವರು ಸಿಸಿಬಿ ಪೊಲೀಸರಿಗೆ ದೂರು ನೀಡಿದ್ದರು.

ಸಿಸಿಬಿ ಪೊಲೀಸರು ದೂರಿನ ಆಧಾರದ ಮೇರೆಗೆ ತಂಡ ರಚನೆ ‌ಮಾಡಿ ದಾಳಿ‌ ನಡೆಸಿ ಆರೋಪಿ ಬಂಧಿಸಿದ್ದು, ಬಂಧಿತನಿಂದ 15 ಟಿವಿ, 75 ಸಾವಿರ ರೂ. ಜಪ್ತಿ ಮಾಡಿ ‌ತನಿಖೆ‌ ‌ಮುಂದುವರೆಸಿದ್ದಾರೆ.